Радастаўскі сельсавет

Ра́дастаўскі сельсавет (руск.: Радостовский сельсовет) — адміністрацыйна-тэрытарыяльная адзінка ў складзе Драгічынскага раёна Брэсцкай вобласці Беларусі. Цэнтр — вёска Радастава.

Радастаўскі сельсавет
Краіна	Беларусь
Уваходзіць у	Драгічынскі раён
Уключае	5 населеных пунктаў
Адміністрацыйны цэнтр	Радастава
Дата ўтварэння	12 кастрычніка 1940
Насельніцтва (2019)	1 757
Часавы пояс	UTC+03:00
Код аўтам. нумароў	1

Утвораны 12 кастрычніка 1940 года ў складзе Дзівінскага раёна Брэсцкай вобласці БССР. Цэнтр — вёска Радастаў. З 8 жніўня 1959 года ў складзе Драгічынскага раёна. 5 сакавіка 1981 года цэнтр сельсавета перайменаваны ў Радастава. На 1 студзеня 1974 года ў складзе Радастаўскага сельсавета было 5 населеных пунктаў^[1].

Насельніцтва сельсавета паводле перапісу 2009 года — 2320 чалавек^[2], з іх 98,7 % — беларусы, 0,6 % — украінцы, 0,5 % — рускія^[3]; паводле перапісу 2019 года — 1757 чалавек^[4].

На тэрыторыі сельсавета знаходзіцца Радастаўскі біялагічны заказнік.