Рамэа і Джульета

Рамэа і Джульета (англ.: Romeo and Juliet) — трагедыя Уільяма Шэкспіра, напісана ў 1594—1595 гадах, упершыню надрукавана ў 1597 годзе. Сюжэт узяты з апублікаванай у 1562 годзе аднайменнай паэмы Артура Брука, крыніца якой — навела італьянскага пісьменніка Матэо Бандэла. Гэты самы сюжэт вядомы і па навеле італьянскага пісьменніка Луіджы Да Порта «Гісторыя двух высакародных каханкаў» (1524).

Рамэа і Джульета
Romeo and Juliet
выданне 1599 года
Жанр	Трагедыя
Аўтар	Уільям Шэкспір
Мова арыгінала	англійская
Дата напісання	1591—1592(?)
Дата першай публікацыі	1591—1592(?)
Персанажы	Romeo[d], Juliet[d], Tybalt[d], Mercutio[d], Benvolio[d], Friar Laurence[d], Count Paris[d], Lady Capulet[d], Nurse[d], Lady Montague[d] і Prince Escalus[d]
Цытаты ў Вікіцытатніку
Медыяфайлы на Вікісховішчы

Упершыню тэкст на беларускай мове ў перакладзе Кандрата Крапівы быў надрукаваны ў 1954 годзе.

Тэатральныя пастаноўкі ў Беларусі

Значнай падзеяй у тэатральным жыцці Беларусі была пастаноўка трагедыі «Рамэа і Джульеты» у 1946 годзе Беларускім тэатрам імя Я.Купалы — рэжысёр Л.Літвінаў. У галоўных ролях Б.Платонаў (Рамэа) і І.Ждановіч (Джульета). «Рамэа і Джульета» таксама ставілася ў Гомельскім абласным драматычным тэатры (1962, рэжысёр: Л.Эльстан), Магілёўскім абласным драматычным тэатры (1972, рэжысёр У. А. Караткевіч) і Беларускім тэатры імя Якуба Коласа (1986, рэжысёр Валерый Мазынскі).

Літаратура

• Уільям Шэкспір. Санеты. Трагедыі: З англ. / Уклад., прадм. і камент. В.Небышынца. — Мн.: Маст. літ., 1989. — 479 с., [8] л. іл. ISBN 5-340-00286-1

Спасылкі