Ратамка (рака)

У паняцця ёсць і іншыя значэнні, гл. Ратамка.

Ра́тамка — рака, якая цячэ па тэрыторыі Мінскага раёна.

Ратамка
Мост і дамба праз раку на ўскрайку аграгарадка Ратамка
Характарыстыка
Даўжыня	13 км
Басейн	47 км²
Вадацёк
Выток
• Месцазнаходжанне	на ўсходзе ад вёскі Гарані
Вусце	Свіслач, Заслаўскае вадасховішча
Размяшчэнне
Водная сістэма	Заслаўскае вадасховішча
Краіна	Беларусь
Рэгіён	Мінская вобласць
Раён	Мінскі раён
Медыяфайлы на Вікісховішчы

Назва

У дакументах 1558 года гэтая мясцовасць згадваецца як Радамскае. На думку В. Жучкевіча, гэта ёсць першапачатковая форма, ад якой пазней утварылася сучасная Ратамка. Назва патранімічная, імя ракі вытворнае ад назвы пасялення.^[1]

Гідраграфія

Рака Ратамка пасля дамбы

Выток ракі знаходзіцца на ўсход ад вёскі Гарані. Упадае ў Ратамскі заліў Заслаўскага вадасховішча (Мінскага мора) за 1 км на ўсход ад чыг. ст. Крыжоўка. Даўжыня ракі — 13 км.

Рэчышча ў вусцевай частцы зарэгуляванае, у ніжнім цячэнні на працягу 4,2 км — каналізаванае. Вадазбор Ратамкі — 47 км².

За 1,5 км на паўднёвы захад ад в. Падгор’е — чыгуначны мост на дарозе Мінск — Маладзечна; 0,7 км ад моста на дарозе Мінск — Заслаўе — вусце.