Робін ван Персі

Робін ван Персі (нідэрл.: Robin van Persie; нар. 6 жніўня 1983, Ротэрдам) — галандскі футбаліст, нападнік. Ігрок нацыянальнай зборнай Нідэрландаў (2005—2017). Вядомы па выступам за англійскія «Арсенал» (куды перайшоў у 2004 годзе з ротэрдамскага «Феенорда») і «Манчэстэр Юнайтэд».

Робін ван Персі
Агульная інфармацыя
Нарадзіўся	6 жніўня 1983(1983-08-06)[1][2][…] (42 гады) Ротэрдам, абшчына Ротэрдам[d], Паўднёвая Галандыя, Нідэрланды, Каралеўства Нідэрландаў[3]
Грамадзянства	Нідэрланды
Рост	183 см
Вага	78 кг
Пазіцыя	нападнік
Маладзёжныя клубы
1997—1998 Эксельсіёр (Ротэрдам) 2001—2004 Феенорд (Ротэрдам)
Клубная кар’ера[* 1]
2001—2004 Феенорд (Ротэрдам) 61 (15) 2004—2012 Арсенал (Лондан) 194 (96) 2012—2015 Манчэстэр Юнайтэд 86 (48) 2015—2018 Фенербахчэ (Стамбул) 57 (25) 2018—2019 Феенорд (Ротэрдам) 37 (21)
Нацыянальная зборная[* 2]
2000 Нідэрланды (да 17) 6 (0) 2001 Нідэрланды (да 19) 6 (0) 2002—2005 Нідэрланды (да 21) 12 (1) 2005—2017 Нідэрланды 102 (50)
Узнагароды і медалі
Чэмпіянаты свету Срэбра ПАР 2010 Бронза Бразілія 2014
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 1 жніўня 2019. Колькасць гульняў і галоў за нацыянальную зборную ў афіцыйных матчах, адкарэктавана станам на 1 жніўня 2019
Медыяфайлы на Вікісховішчы

У складзе зборнай Нідэрландаў гуляў на трох чэмпіянатах свету і двух чэмпіянатах Еўропы.

Біяграфія

Дзяцінства

Робін нарадзіўся 6 жніўня 1983 года ў Ротэрдаме. Бацькі развяліся, калі ван Персі быў зусім маленькім. Пасля суда Робін застаўся з бацькам, а дзве яго сястры з маці. Хлопчыка выхоўвала вуліца: бацька і сын ван Персі жылі ў прыгарадзе Ротэрдама, у імігранцкім квартале. У школе Робін славіўся заўзятым падшыванцам, і яго некалькі разоў спрабавалі выключыць за благія паводзіны. Бацька адвёў яго ў футбольную секцыю «Эксельсіёра», трэцяга па значнасці ротэрдамскага клуба. Дзіця апынулася пад наглядам, і зносіны са шпаной былі зведзены да мінімуму. «Феенордаўскія» скаўты ўбачылі ў «Эксельсіёры» вельмі здольнага і хуткага футбаліста. Ва ўзросце 13 гадоў Робін ван Персі ўжо трэніраваўся ў школе «Феенорда».

«Арсенал»

У студзені 2004 года Робін падпісаў кантракт з лонданскім «Арсеналам». Пасля таго, як клуб пакінуў Рабер Пірэс, завяршыў кар’еру Дэніс Бергкамп, роля аднаго з лідараў дасталася ван Персі. Арсен Венгер знайшоў «Кобру» на месцы левага нападніка. Робін доўгі час гуляў вельмі важную ролю ў «Арсенале», з 2011 па 2012 гады быў капітанам каманды.

«Манчэстэр Юнайтэд»

15 жніўня 2012 года кіраўніцтва «Арсенала» абвесціла, што яны ўзгоднелі ўмовах пераходу гульца ў «Манчэстэр Юнайтэд», але ван Персі да гэтага часу яшчэ не пагадзіўся на асабістыя ўмовы з клубам^[4]. 17 жніўня 2012 года, ван Персі афіцыйна быў прэзентаваны як гулец манчэстэрскага клуба, падпісаўшы дамову на чатыры гады. Пераход, паводле звестак, каштаваў «Манчэстэр Юнайтэд» 24 млн фунтаў стэрлінгаў^[5].

Па выніках сезона 2012/13 нарэшце стаў чэмпіёнам Англіі, чаго за 8 гадоў так і здолеў дасягнуць у складзе «Арсенала». Пазней, аднак, «Манчэстэр Юнайтэд» ужо не меў такіх поспехаў у чэмпіянаце, і эфектыўнасць Робіна ў атацы таксама значна паменшылася: за два сезоны (2013/14 і 2014/15) ён забіў усяго 22 галы, у той час як у сезоне 2012/13 адзначыўся 26 выніковымі стрэламі.

«Фенербахчэ»

14 ліпеня 2015 года было афіцыйна падпісанні ван Персі кантракт з турэцкім «Фенербахчэ» на тры гады^[6].

Вяртанне ў «Феенорд»

У студзені 2018 года стала вядома аб вяртанні ван Персі ў «Феенорд»^[7]. У маі 2019 года абвясціў аб завяршэнні кар’еры^[8].

Асабістае жыццё

У 2004 годзе Робін ажаніўся са сваёй даўняй сяброўкай мараканскага паходжання Бухры. Пара мае двух дзяцей.

У 2005 годзе ван Персі падазраваўся ў згвалтаванні галандскай мадэлі, аднак паліцыя адпусціла яго, калі была даказана яго невінаватасць.

Дасягненні

Феенорд

• Уладальнік Кубка УЕФА: 2001/02
• Уладальнік Кубка Нідэрландаў: 2018
• Уладальнік Суперкубка Нідэрландаў: 2018

Арсенал

• Уладальнік Суперкубка Англіі: 2004
• Уладальнік Кубка Англіі: 2005

Манчэстэр Юнайтэд

• Чэмпіён Прэм’ер-лігі: 2012/13
• Уладальнік Суперкубка Англіі: 2013

Зборная Нідэрландаў

• Сярэбраны прызёр чэмпіянату свету: 2010
• Бронзавы прызёр чэмпіянату свету: 2014