Роўнапаскораны рух

Роўнапаскораны рух — рух цела, пры якім вектар паскарэння ${\displaystyle {\vec {a}}=\mathrm {const} }$, г.зн. паскарэнне пастаяннае як па модулю, так і па кірунку.

Роўнапаскораны рух у полі цяжару Зямлі. На малюнку відаць, што перамяшчэнне складаецца з прамалінейнага раўнамернага руху і свабоднага падзення

Прыкладам такога руху з’яўляецца рух цела, якое кінулі пад вуглом ${\displaystyle \alpha }$ да гарызонта ў аднародным полі сілы цяжару: цела ляціць з паскарэннем свабоднага падзення ${\displaystyle {\vec {a}}={\vec {g}}}$, накіраваным вертыкальна ўніз.

Пры роўнапаскораным руху па прамой скорасць цела вызначаецца формулай:

${\displaystyle v(t)=v_{0}+at.}$

Ведаючы, што ${\displaystyle v(t)={\frac {d}{dt}}x(t)}$, знойдзем формулу для вызначэння каардынаты x:

${\displaystyle x(t)=x_{0}+v_{0}t+{\frac {at^{2}}{2}}.}$

Роўнапаскораны рух з паскарэннем свабоднага падзення — рух цела, якое кінулі гарызантальна (без уліку сілы супраціўлення).