Рудавец (возера)

У гэтага тапоніма ёсць і іншыя значэнні, гл. Рудавец.

Рудаве́ц^[2] — возера ў Беларусі, у Браслаўскім раёне Віцебскай вобласці ў басейне ракі Дружнянка (выцякае з возера), за 16 км у напрамку на паўднёвы ўсход ад горада Браслаў.

Рудавец
Морфаметрыя
Вышыня над узроўнем мора	151,4[1] м
Даўжыня	0,82 км
Шырыня	0,44 км
Плошча	0,28 км²
Аб’ём	0,00028 км³
Даўжыня берагавой лініі	2,04 км
Найбольшая глыбіня	1,6 м
Сярэдняя глыбіня	1 м
Гідралогія
Салёнасць	0,18—0,185 ‰
Празрыстасць	да 1 м
Басейн
Плошча вадазбору	4,3 км²
Упадаюць	ручаі
Выцякаюць	Дружнянка
Размяшчэнне
Краіна	Беларусь
Рэгіён	Віцебская вобласць
Рудавец
Рудавец

Плошча паверхні возера 0,28 км². Даўжыня 0,82 км, найбольшая шырыня 0,44 км, даўжыня берагавой лініі 2,04 км. Найбольшая глыбіня 1,6 м, сярэдняя 1 м. Плошча вадазбору 4,3 км². Аб’ём вады ў возеры 0,28 млн м³.
Катлавіна возера рэшткавага тыпу, выцягнутая ў напрамку з захаду на ўсход. Схілы катлавіны вышынёй ад 3—4 да 5—9 метраў. Берагі сплавінныя, вышынёй 0,3—0,4 м. Вакол возера пераўвільготненая пойма шырынёй 100—150 м. Дно возера выслана сапрапелем. Зарастае слаба. Растуць трыснёг, хвошч, рдзест плывучы, шышняк.
Возера дыстрафіруючае, слабапраточнае. У Рудавец упадаюць ручаі, выцякае рака Дружнянка.

Зноскі

1. Ліст карты N-35-19. Выданне 1984 года. Стан мясцовасці на 1982 год. (руск.)
2. БелЭн 2001.