Ручаёўскі сельсавет

Ручаё́ўскі сельсавет — адміністрацыйна-тэрытарыяльная адзінка ў складзе Лоеўскага раёна Гомельскай вобласці Беларусі. Цэнтр — аграгарадок (да 2011 г. вёска) Ручаёўка.

Ручаёўскі сельсавет
Краіна	Беларусь
Уваходзіць у	Лоеўскі раён
Уключае	8 населеных пунктаў
Адміністрацыйны цэнтр	Ручаёўка
Дата ўтварэння	8 снежня 1926
Насельніцтва (2019)	539
Часавы пояс	UTC+03:00
Код аўтам. нумароў	3

Пасля другога ўзбуйнення БССР з 8 снежня 1926 года сельсавет у складзе Лоеўскага раёна Рэчыцкай акругі БССР. З 9 чэрвеня 1927 года ў складзе Гомельскай акругі. 30 снежня 1927 года сельсавет узбуйнены, у яго склад увайшла тэрыторыя скасаваных Алешкаўскага, Грохаўскага, Дзімамерыцкага, Карчомскага і Крывінскага сельсаветаў. Пасля скасавання акруговай сістэмы 26 ліпеня 1930 года ў Лоеўскім раёне БССР. З 20 лютага 1938 года ў складзе Гомельскай вобласці. З 25 снежня 1962 года ў складзе Брагінскага раёна. З 30 ліпеня 1966 года ў складзе адноўленага Лоеўскага раёна. Станам на 1 студзеня 1974 года ў складзе сельсавета было 10 населеных пунктаў^[1]. 11 мая 1986 года скасавана вёска Крывін^[2], 23 верасня 2011 года — вёска Старая Алешкаўка^[3].

Насельніцтва сельсавета паводле перапісу 2009 года (9 населеных пунктаў) — 669 чалавек^[4], з іх 99,4 % — беларусы^[5]; паводле перапісу 2019 года (8 населеных пунктаў) — 539 чалавек^[6].

Зноскі

1. Белорусская ССР. Административно-территориальное деление. На 1 января 1974 года. (руск.). — Выданне 5-е. — Мн.: Беларусь, 1974. — С. 91. — 248 с. — 10 000 экз.
2. Рашэнне выканкома Гомельскага абласнога Савета народных дэпутатаў ад 11 мая 1986 г. // Збор законаў Беларускай ССР, указаў Прэзідыума Вярхоўнага Савета Беларускай ССР, пастаноў Савета Міністраў Беларускай ССР. — 1986, № 20 (1862).
3. Решение Лоевского районного Совета депутатов от 23 сентября 2011 г. № 70 Об упразднения сельских населенных пунктов Лоевского района Гомельской области Архівавана 29 сакавіка 2020.
4. Колькасць насельніцтва населеных пунктаў Гомельскай вобласці Беларусі паводле перапісу 2009 года
5. Этнічны склад насельніцтва сельсаветаў Беларусі паводле перапісу 2009 года
6. Колькасць насельніцтва населеных пунктаў Гомельскай вобласці Беларусі паводле перапісу 2019 года