Рыа-Салада (прыток Параны)

У паняцця ёсць і іншыя значэнні, гл. Рыа-Салада.

Ры́а-Сала́да^[1] (ісп.: Río Salado — «салёная рака») — рака ў Аргенціне, правы прыток ракі Парана. У верхнім цячэння мае назву Гуанчыпас, потым Хурамента або Рыа-дэ-Пасахэ^[1].

Рыа-Салада
ісп. Río Salado
Характарыстыка
Даўжыня	каля 1300 км
Басейн	каля 160 000 км²
Расход вады	15 м³/с (у ніжнім цячэнні)
Вадацёк
Выток
• Месцазнаходжанне	Цэнтральныя Анды
• Каардынаты	24°28′06″ пд. ш. 66°10′45″ з. д.HGЯO
Вусце	Парана
• Месцазнаходжанне	каля горада Санта-Фэ
• Каардынаты	31°40′31″ пд. ш. 60°44′10″ з. д.HGЯO
Размяшчэнне
Водная сістэма	Парана → Ла-Плата → Атлантычны акіян
Краіна	Аргенціна
— выток, — вусце
Медыяфайлы на Вікісховішчы

Даўжыня ракі складае каля 1300^[1] (2210^[2]) км. Плошча вадазбору каля 160 000 (124 200^[2]) км². Выток ракі знаходзіцца на ўсходніх схілах Цэнтральных Андаў. Цячэ па раўніне Гран-Чака, падзяляючыся на рукавы, часам змяняючы рэчышча. У засушлівы час месцамі перасыхае і ператвараецца ў сістэму салёных азёр і балот. Упадае ў Парану каля горада Санта-Фэ. Сярэдні расход вады ў ніжнім цячэнні каля 15^[1] м³/с. Аб’ём гадавога сцёку 53,6^[2] км³.

Жыўленне ракі пераважна дажджавое. Найбольшы ўзровень вады ў студзені—красавіку^[2]. Рака суднаходная ў перыяд дажджоў. У вярхоўі непадалёк ад горада Сальта пабудавана вадасховішча.

Зноскі

1. БелЭн 2001.
2. Рио-Саладо // Пустырник — Румчерод. — М. : Большая Российская энциклопедия, 2015. — (Большая российская энциклопедия : [в 35 т.] / гл. ред. Ю. С. Осипов; 2004—). — ISBN 978-5-85270-365-1.