Рыга (карная аперацыя)

У паняцця ёсць і іншыя значэнні, гл. Рыга (значэнні).

Аперацыя «Рыга» (ням.: Unternehmen «Riga») — кодавая назва карнай антыпартызанскай аперацыі германскіх акупацыйных войскаў і калабарацыянісцкіх падраздзяленняў супраць савецкіх партызан і мясцовага насельніцтва ў Рудзенскім раёне, на поўнач і паўночны захад ад в. Шацк 15—16 мая 1942 года.

Карная аперацыя «Рыга»
Асноўны канфлікт: Вялікая Айчынная вайна
Дата	15—16 мая 1942
Месца	Рудзенскі
Праціўнікі
Трэці рэйх Савецкія партызанскія атрады і злучэнні

Праводзілася сіламі 603-га ахоўнага палка і паліцэйскімі мясцовых гарнізонаў. Ва ўрочышчы Воўчы Востраў (за 6 км на поўнач ад Шацка) групоўка карнікаў была сустрэта савецкімі партызанскімі атрадамі М. М. Нікіціна. Не вытрымаўшы шчыльнага і трапнага агню партызан, праціўнік, падабраўшы забітых і параненых адступіў.

Карная аперацыя правалілася з цяжкімі стратамі для карнікаў.