Партызанская брыгада М. М. Нікіціна

Партызанская брыгада М. М. Нікіціна — партызанская брыгада, створаная ў ліпені 1942 года на базе атрадаў М. М. Нікіціна, А. В. Балікевіча, Я. А. Прыданнікава і іншых. Дзейнічала на акупіраванай тэрыторыі Бягомльскага, Валожынскага, Дзяржынскага, Івянецкага, Рудзенскага, Уздзенскага, Ушацкага, Чэрвеньскага раёнаў. У кастрычніку 1942 года ў брыгадзе быў 391 партызан і 6 атрадаў. У лістападзе брыгада выйшла ў савецкі тыл, дзе была расфарміравана.

Партызанская брыгада М. М. Нікіціна
Гады існавання	1942
Краіна	Беларуская ССР
Падпарадкаванне	Беларускі штаб партызанскага руху
Тып	партызаны
Функцыя	барацьба з нямецкімі акупацыйнымі ўладамі
Колькасць	391 партызан (кастрычнік 1942)
Дыслакацыя	Бягомльскі, Валожынскі, Дзяржынскі, Івянецкі, Рудзенскі, Уздзенскі, Ушацкі, Чэрвеньскі раёны
Войны	Вялікая Айчынная вайна
Удзел у	Вялікая Айчынная вайна
Камандзіры
Вядомыя камандзіры	М. М. Нікіцін

Склад

• 1-ы атрад;
• 2-і атрад;
• 3-і атрад;
• 4-ы атрад;
• 5-ы атрад;
• 6-ы атрад.

Камандаванне

Камандзір

• М. М. Нікіцін

Камісар

• А. М. Гваздзёў

Начальнікі штаба

• Васільеў
• Н. С. Панкратаў

Гісторыя

Баявыя аперацыі партызаны праводзілі на чыгунцы Койданава — Мінск і на шашэйных дарогах. Падарвалі 3 эшалоны, 32 аўтамашыны, 12 мастоў, разграмілі 8 нямецкіх апорных пунктаў. Падчас карнай аперацыі «Рыга» (15—16 мая 1942 года) партызанскія атрады М. М. Нікіціна сустрэлі карнікаў ва ўрочышчы Воўчы Востраў (за 6 км на поўнач ад Шацка) і вымусілі адступіць^[1]. 14 чэрвеня 1942 года атрад Нікіціна правёў бой у Александроўскім лесе. У жніўні 1942 года партызаны зрабілі рэйд у Налібоцкую пушчу, потым за лінію фронту. У верасні ўдзельнічалі ў нападзе на нямецкі гарнізон у Ушачах.

Зноскі

1. «Рыга» // Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — С. 545. — 680 с. — 20 000 экз. — ISBN 5-85700-012-2.