Рыгор Васільевіч Пратасавіцкі

Рыгор Васілевіч Пратасавіцкі (нар. 24 лістапада 1961, Клесава, Сарненскі раён, Ровенская вобласць, Украінская ССР) — беларускі гаспадарчы дзеяч, дзяржаўны службовец і дэпутат.

Рыгор Васільевіч Пратасавіцкі
старшыня Столінскага раённага выканаўчага камітэта[d]
член Савета Рэспублікі Нацыянальнага сходу Рэспублікі Беларусь 7-га склікання 6 снежня 2019 — 2024
Нараджэнне	24 лістапада 1961(1961-11-24) (63 гады) Клэсіў, Сарнэнскі раён, Ровенская вобласць, УССР, СССР
Адукацыя	БДАТУ Акадэмія кіравання пры Прэзідэнце Рэспублікі Беларусь
Узнагароды	Ганаровая грамата Савета Міністраў Рэспублікі Беларусь Ганаровая грамата Адміністрацыі Прэзідэнта Рэспублікі Беларусь[d]

У Вікіпедыі ёсць артыкулы пра іншых людзей з прозвішчам Пратасавіцкі.

Біяграфія

Нарадзіўся 24 лістапада 1961 года ў пасёлку Клесава Сарненскага раёна Ровенскай вобласці Украінскай ССР^[1].

Скончыў Беларускі інстытут механізацыі сельскай гаспадаркі, Акадэмію кіравання пры Прэзідэнце Рэспублікі Беларусь^[1].

Працаваў інжынерам-электрыкам калгаса «XIX партз’езд» Столінскага раёна; другім, першым сакратаром Столінскага райкама ЛКСМБ; намеснікам старшыні Столінскага гарвыканкама; загадчыкам аддзела па рабоце з моладдзю, намеснікам старшыні, першым намеснікам старшыні Столінскага райвыканкама^[1].

Старшыня Столінскага райвыканкама^[1].

Быў членам Савета Рэспублікі Нацыянальнага сходу Беларусі 7-га склікання^[1].

Узнагароды

Мае Падзяку Прэм’ер-міністра Рэспублікі Беларусь. Узнагароджаны ганаровымі граматамі Савета Міністраў Рэспублікі Беларусь, Савета Рэспублікі, Адміністрацыі Прэзідэнта Рэспублікі Беларусь, юбілейнымі медалямі^[1].