Рыжская каталіцкая духоўная семінарыя

Рыжская каталіцкая духоўная семінарыя — вышэйшая каталіцкая спецыяльная навучальная ўстанова для падрыхтоўкі святароў у Рызе (Латвія).

Рыжская каталіцкая духоўная семінарыя
Арыгінальная назва	лат.: Rīgas Katoļu garīgais seminārs
Год заснавання	1920
Канфесія	каталіцтва
Сайт	garigais.lv (лат.)

Гісторыя

Заснавана ў 1920 годзе; з 1940 па 1943 год і з 1951 па 1954 год не працавала. У 1970—1980-х гадах у СССР мела статус «міжрэспубліканскай» і семінарыя магла прымаць кандыдатаў на святарства з іншых рэспублік СССР.

Сучасны будынак семінарыі быў пабудаваны ў 1983—1992 гадах. У 1999 годзе на базе семінарыі была створана вышэйшая навучальная ўстанова — Рыжскі багаслоўскі інстытут^[1].

Выкладчыкі

• Баляслаў Слосканс, каталіцкі святар, рэлігійны і грамадскі дзеяч беларускага замежжа.

Вядомыя выпускнікі

• Антоній Дзям’янка, беларускі каталіцкі царкоўны дзеяч.
• Уладзіслаў Мацвеевіч Завальнюк, рэлігійны і культурны грамадскі дзеяч, удзельнік беларускага хрысціянскага руху.
• Казімір Велікаселец, дапаможны біскуп Пінскай дыяцэзіі.
• Францішак Кісель, беларускі каталіцкі пралат, апостальскі адміністратар Віцебскай дыяцэзіі ў 2013.
• Ота Месмер, расійскі рымска-каталіцкі дзеяч, кіраўнік езуітаў краін СНД (2002—2008).
• Яніс Пуятс, латвійскі кардынал.

Зноскі

1. Latvijas enciklopēdija. 4. sējums. Rīga : Valērija Belokoņa izdevniecība. 2007. 963. lpp. ISBN 978-9984-9482-4-9.