Рычард Бэрд

Рычард Іўлін Бэрд, таксама Бёрд (англ.: Richard Evelyn Byrd; 25 кастрычніка 1888 — 11 сакавіка 1957) — амерыканскі авіятар і палярны даследчык; у 1929 годзе першым у гісторыі праляцеў над Паўднёвым полюсам. Кіраўнік чатырох амерыканскіх ваенных экспедыцый у Антарктыду (1928—1930, 1933—1935, 1939—1941 і 1946—1947), апошняя з іх называлася «Хайджамп», і якую ён узначальваў у званні контр-адмірала.

Рычард Бэрд
англ.: Richard Evelyn Byrd
Нараджэнне	25 кастрычніка 1888(1888-10-25)[1][2][…] Winchester[d], Вірджынія, ЗША
Смерць	11 сакавіка 1957(1957-03-11)[1][2][…] (68 гадоў) Бостан, акруга Сафалк[d], Масачусетс, ЗША
Месца пахавання	Арлінгтонскія нацыянальныя могілкі[d][3]
Імя пры нараджэнні	англ.: Richard Evelyn Byrd
Бацька	Richard Evelyn Byrd, Sr.[d]
Маці	Ellinor Bolling Flood[d]
Жонка	Marie Donaldson Ames[d]
Дзеці	Richard Evelyn Byrd III[d]
Адукацыя	Вірджынскі ўніверсітэт Ваенны інстытут Вірджыніі[d] Ваенна-марская акадэмія ЗША
Род войскаў	Ваенна-марскія сілы ЗША і Ваенна-марскія сілы ЗША
Званне	rear admiral[d]
Бітвы	Першая сусветная вайна Другая сусветная вайна
Узнагароды	узнагарода Свабоды[d] (1960) медаль Хабарда[d] (1926) медаль «Вегі»[d] (1948) Медаль заступнікаў[d] (1931) Залаты медаль Кангрэса ЗША Зал славы нацыяльнай авіяцыі[d] (1968) Langley Gold Medal[d] (1929) Honorary Scout[d] Aviation Hall of Fame and Museum of New Jersey[d] Honorary Member of the American Polar Society[d]
Медыяфайлы на Вікісховішчы

Біяграфія

У 1912 годзе Рычард Бэрд скончыў Ваенна-марскую акадэмію і паступіў на службу ў ВМС ЗША. У 1915 быў прызнаны непрыдатным да флоцкай службы па стане здароўя. У 1917 годзе Бэрд вярнуўся на службу, ужо ў якасці авіятара. Праходзіў лётную падрыхтоўку на базе марской авіяцыі Пенсакола, штат Фларыда. Атрымаў кваліфікацыю ваенна-марскога лётчыка ў 1918 годзе. Яго палярная кар’ера пачалася ў 1924 годзе, калі ён удзельнічаў у экспедыцыі на захад Грэнландыі.

Пры правядзенні чатырох буйных антарктычных экспедыцый пад яго кіраўніцтвам (1928—1930, 1933—1935, 1939—1941 і 1946—1947) былі адкрыты і абследаваны шырокія раёны гэтага кантынента.

У 1929 годзе на ўзбярэжжа Антарктыды была заснавана база Літл-Амерыка. Бэрд даў назву шэрагу раёнаў Антарктыды (да прыкладу, Зямля Мэры Бэрд была названа ім у гонар жонкі).

У экспедыцыі 1933—1935 гадоў адкрыў з паветра гару Сідлі, якая, як пазней высветлілася, з’яўляецца самым высокім вулканам кантынента.

У экспедыцыі 1939—1941 гадоў быў ужыты вялізны ўсюдыход, аднак ён паказаў сваю непрыдатнасць для ўмоў Антарктыды.

З 1926 па 1996 год лічыўся таксама першым лётчыкам, які праляцеў над Паўночным полюсам. Аднак пры даследаванні яго палётнага дзённіка былі выяўлены сляды падчыстак — тым самым даказана, што Бэрд сфальсіфікаваў частку даных аб палёце ў сваёй афіцыйнай справаздачы ў Амерыканскае геаграфічнае таварыства.

Пазней стаў контр-адміралам флота ЗША.

Зноскі

1. Ommanney F. D. Richard E. Byrd // Encyclopædia Britannica Праверана 9 кастрычніка 2017.

   <a href='https://wikidata.org/wiki/Track:Q5375741'></a>
2. Richard Evelyn Byrd // Brockhaus Enzyklopädie Праверана 9 кастрычніка 2017.

   <a href='https://wikidata.org/wiki/Track:Q237227'></a>
3. https://ancexplorer.army.mil/publicwmv/index.html#/arlington-national/