Рэвень

Рэвень (Rheum) — род кветкавых раслін сямейства драсёнавых. Налічваецца каля 50 відаў.

Рэвень
Rheum rhaponticum
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Гваздзікакветныя Сямейства:  Драсёнавыя Род:  Рэвень
Міжнародная навуковая назва
Rheum L. (1753)
Тыпавы від
Rheum rhaponticum
Выявы на Вікісховішчы ITIS   21318 NCBI   3620 EOL   61521 IPNI   32581-1

Апісанне

Шматгадовыя травы з мясістым карэнішчам. Сцябло прамастойнае, полае, голае, вышынёй 50—250 см. Прыкаранёвае лісце буйное, сакаўное, доўгачаранковае, утварае разетку, сцябловае — чаргаванае, дробнае, яйцападобнае. Кветкі двухполыя, дробныя, жоўтыя, ружовыя, чырванаватыя ў коласападобным ці мяцёлчатым суквецці. Плод — трохгранны арэшак.

Пашырэнне

Пашыраны ва ўмераным і субтрапічным паясах Азіі (2 віды на поўдні Еўропы). Трапляюцца па камяністых схілах.

У культуры вырошчваюць пераважна рэвень чаранковы (Rheum rhaponticum) і рэвень хвалісты (Rheum undulatum).

Выкарыстанне

Чаранкі ў продажы.

Харчовыя, лекавыя, дубільныя расліны. Выкарыстоўваюць як прыправу.

Маладое лісце і чаранкі маюць у сабе вітамін C, да 2,5 % цукру, каля 3,5 % арганічных кіслот, мінеральныя солі. З іх гатуюць супы, кампоты, варэнне, мармелад, цукаты, сок, віно, начынку для пірагоў, выкарыстоўваюць у рыбнай прамысловасці.

Зноскі