Сабор Сэрца Ісуса (Рэзэкнэ)

Сабор Найсвяцейшага Сэрца Ісуса (лат.: Rēzeknes Vissvētākās Jēzus Sirds Romas katoļu katedrāle) — каталіцкая царква, якая знаходзіцца ў горадзе Рэзэкнэ, Латвія. Храм з’яўляецца кафедральным саборам Рэзэкнэнска-Аглонскай епархіі.

Славутасць
Сабор Сэрца Ісуса
56°29′58″ пн. ш. 27°20′21″ у. д.HGЯO
Краіна	Латвія
Месцазнаходжанне	Рэзэкнэ[1]
Канфесія	Каталіцкая Царква
Епархія	Рэзэкнэнска-Аглонская дыяцэзія
Архітэктурны стыль	неаготыка
Дата заснавання	1887
Матэрыял	цэгла
Медыяфайлы на Вікісховішчы

Гісторыя

Першапачаткова на месцы сучаснага храма знаходзілася невялікая драўляная царква, пабудаваная ў 1685 годзе. Пасля таго, як гэты храм згарэў у 80-х гадах XIX стагоддзі, было вырашана будаваць новую каменную царкву.

Будаўніцтва сучаснага храма па праекце рыжскага архітэктара Фларыяна Віганоўскага пачалося ў 1887 годзе і завяршылася ў 1902 годзе. Асвячэнне храма адбылося ў 1914 годзе пасля заканчэння апошніх аздабленчых работ.

У 1995 годзе пасля заснавання Апостальскай Сталіцай Рэзэкнэнска-Аглонскай дыяцэзіі храм стаў кафедральным саборам.

Апісанне

Фасад мае элементы псеўдараманскага архітэктурнага стылю, унутры храма ёсць неагатычныя элементы. Неагатычны драўляны алтар упрыгожаны фігурамі Ісуса Хрыста і Дзевы Марыі, святой Тэрэзы і іншых святых. Вітражы паказваюць першых каталіцкіх латвійскіх біскупаў святога Мейнарда і Альберта Буксгеўдэна.