Самур

Самур^[1] (цахур.: Самур; рут.: Самыр; лезг.: ЧIвехер вацI, азерб.: Samurçay) — рака ў Дагестане, часткова па мяжы з Азербайджанам. Даўжыня 213 км, плошча басейна 7330 км². Бярэ пачатак на схіле гары Гутон (Вялікі Каўказ), цячэ ў глыбокай і вузкай даліне паміж хрыбтамі Кябяк і Самурскі, ніжэй даліна пашыраецца, рэчышча разбіваецца на рукавы. Пры ўпадзенні ў Каспійскае мора ўтварае дэльту. Жыўленне змяшанае, з перавагай дажджавога. Разводдзе з канца сакавіка па жнівень. Сярэдні расход вады за 20 км ад вусця 75 м³/с. Сярэдняя мутнасць 1950 г/м³. З ракі выведзеныя Самур-Апшэронскі канал і Самур-Дэрбенцкі канал (33 км).

Самур
азерб.: Samur çayı
Характарыстыка
Даўжыня	213 км
Басейн	7 330 км²
Расход вады	75 м³/с
Вадацёк
Выток	Гутон
• Каардынаты	41°53′02″ пн. ш. 46°47′21″ у. д.HGЯO
Вусце	Каспійскае мора
• Каардынаты	41°54′38″ пн. ш. 48°29′15″ у. д.HGЯO
Размяшчэнне
Водная сістэма	Каспійскае мора
Краіна	Расія
Код у ДВР	07030000412109300002187
— выток, — вусце
Медыяфайлы на Вікісховішчы

Зноскі

1. Напісанне ў адпаведнасці з картай у артыкуле: Азербайджан // Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — С. 156. — 10 000 экз. — ISBN 985-11-0035-8. — ISBN 985-11-0036-6 (т. 1).