Самшыт

Самшыт^[1] (Búxus) — род раслін сямейства самшытавых. Налічвае больш за 50 відаў (па іншых звестках 70). Пашыраны ў Паўднёва-Усходняй Азіі, Афрыцы, Цэнтральнай і Паўднёвай Еўропе. На Беларусі інтрадукаваны самшыт вечназялёны.

Самшыт
Самшыт вечназялёны (Buxus sempervirens). Каўказ
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Buxales Сямейства:  Самшытавыя Род:  Самшыт
Міжнародная навуковая назва
Buxus L., 1753
Сістэматыка на Віківідах Выявы на Вікісховішчы ITIS   28022 NCBI   4001 EOL   61420 GRIN   g:1826 IPNI   81138-3

Апісанне

Вечназялёныя хмызнякі і дрэўцы, растуць павольна, дасягаюць да вышыні 2—12 м (зрэдку 15—20 м). Жывуць да 500 гадоў. Лісце супраціўнае, суцэльнае, скурыстае. Кветкі дробныя, аднаполыя, сабраныя ў галоўчата-коласападобнае пазушнае суквецце. Плод — каробачка.

Драўніна самшыта («пальмавае дрэва») светла-жоўтая, трывалая, ідзе на дробныя дэкаратыўныя вырабы. З-за ўтрымання алкалоідаў усе часткі расліны з’яўляюцца атрутнымі, нават пылок^[2]. Таму мёд з самшыту ўжываць небяспечна.

Зноскі

1. Самшыт у адпаведнасці з БЭ ў 18 тамах., Т.14. Мн., 2002, С.143
2. Сергей Бесараб Ядовитые декоративные растения в саду и огороде. Справочник // Хабр — habr.com, 23 ліпеня 2021, 14:58