Санта-К’яра

Санта-К'яра (італ.: Santa Chiara, Царква святой Клары з Асізі) — рэлігійны комплекс у Неапалі, які ўключае ў сябе манастыр, грабніцы і археалагічны музей.

Славутасць
Санта-К’яра
40°50′49″ пн. ш. 14°15′10″ у. д.HGЯO
Краіна	Італія
Месцазнаходжанне	Неапаль
Канфесія	каталіцтва
Епархія	Неапалітанская дыяцэзія[d]
Ордэнская прыналежнасць	кларысінкі[d]
Архітэктурны стыль	гатычная архітэктура
Архітэктар	Гальярда Прымарыа[d]
Заснавальнік	Роберт[d]
Дата заснавання	XIV стагоддзе
Сайт	monasterodisantachiara.com
Медыяфайлы на Вікісховішчы

Унутраны дворык

Манастыр быў пабудаваны ў 1310-1340 гадах каралём Робертам Мудрым у якасці пахавальні каралёў анжуйскай дынастыі.

Першапачаткова манастыр будаваўся ў традыцыйным правансальска-гатычным стылі, але ў XVII-XVIII стагоддзях быў перабудаваны ў стылі барока. Падчас Другой сусветнай вайны будынак быў практычна цалкам знішчаны бамбаваннямі. Пасля рэстаўрацыі ў 1953 годзе царква вярнула сваё першапачатковае аблічча.

Асобна ад будынка размешчана званіца. Яе будаўніцтва было пачата ў 1328 годзе, а завершана толькі ў эпоху Рэнесансу. Крытая галерэя, калоны і лаўкі клуатра царквы ўпрыгожаны маёлікай, якая паказвае карціны з жыцця Неапаля — карнавалы, марскія падарожжы, паляванне.

Пахаванні

• Кароль Роберт Мудры.
• Члены каралеўскага дома Неапалітанскіх Бурбонаў, у тым ліку каралі Фердынанд I, Францыск I, Фердынанд II.
• Блажэнная Марыя Крысціна Савойская, першая жонка Фердынанда II.
• Салва д'Аквіста - нацыянальны герой Італіі.

Літаратура

• AA.VV., Il Monastero di Santa Chiara, Electa-Napoli, 1995.

Спасылкі

• На Вікісховішчы ёсць медыяфайлы па тэме Санта-К’яра