Свята-Георгіеўская царква (Горка)

Свята-Георгіеўская царква — мураваны праваслаўны храм у в. Горка Дзятлаўскага раёна Гродзенскай вобласці^[1].

Праваслаўны храм
Свята-Георгіеўская царква
53°17′12″ пн. ш. 25°30′29″ у. д.HGЯO
Краіна	Беларусь
Вёска	Горка
Канфесія	Праваслаўе
Епархія	Навагрудская
Благачынне	Дзятлаўскае
Будаўніцтва	XIX—XX стагоддзі
Стан	дзейнічае
Медыяфайлы на Вікісховішчы

У паняцця ёсць і іншыя значэнні, гл. Свята-Георгіеўская царква.

Гісторыя

Пабудавана ў канцы XIX — пачатку XX стагоддзяў з цэглы.

Архітэктура

Храм падоўжна-восевай аб’ёмна-прасторавай кампазіцыі: двух’ярусная шатровая званіца, бабінец, асноўны аб’ём, квадратная ў плане апсіда. Асноўны аб’ём завершаны цыбулепадобным купалам на цылендрычным барабане, устаноўленым над пакатым чатырохсхільным дахам. Над шатром званіцы таксама цыбулепадобная галоўка на цыліндрычным барабане. Здвоеныя арачныя вокны з броўкамі і складанымі фігурнымі ліштвамі. У дэкоры атынкаваных фасадаў выкарыстаны лапаткі, зубчастыя франтоны і фрызы, нілепадобныя аркі — нішы. Галоўны ўваход вырашаны ганкам з лесвіцай і навіссю кілепадобнай формы. У інтэр’еры цэнтральная зала абмежавана буйнай аркадай. Царква — помнік псеўдарускага стылю^[2].

Зноскі

1. ХРАМ СВЯТОГО ВЕЛИКОМУЧЕНИКА ГЕОРГИЯ ПОБЕДОНОСЦА Архівавана 21 снежня 2019.
2. Царква Святога велікамучаніка Георгія Пераможцы ў в. Горка Архівавана 22 снежня 2019.