Свята-Георгіеўская царква (Краснасельскі)

Свята-Георгіеўская царква — мураваны праваслаўны храм у г. п. Краснасельскі Ваўкавыскага раёна Гродзенскай вобласці. Знаходзіцца на вул. Заводскай, 2.

Праваслаўны храм
Свята-Георгіеўская царква
53°17′00″ пн. ш. 24°24′19″ у. д.HGЯO
Краіна	Беларусь
Гарадскі пасёлак	Краснасельскі
Канфесія	Праваслаўе
Епархія	Гродзенская і Ваўкавыская
Благачынне	Ваўкавыскае
Архітэктурны стыль	псеўдарускі стыль
Будаўніцтва	1996—2003 гады
Стан	дзейнічае
Медыяфайлы на Вікісховішчы

У паняцця ёсць і іншыя значэнні, гл. Свята-Георгіеўская царква.

Гісторыя

У 1996 годзе было распачата будаўніцтва храма. 11 студзеня 2003 года храм быў асвячоны^[1].

Архітэктура

Вышыня храма з купаламі 36,9 метраў і з крыжом 40,79 метраў.

Твор архітэктуры ў стылізаваных формах старажытнарускага царкоўнага дойлідства. Вырашана кубападобным аб’ёмам, да якога далучана паўкруглая апсіда, нізкі прытвор, бакавыя паперці. Асноўны аб’ём завершаны 5-купаллем — цыбулепадобныя купалы на цыліндрычных барабанах (цэнтральны светлавы). Ідэнтычныя фасады па цэнтры вылучаны рызалітамі, завершанымі кілепадобнымі аркамі, па баках высокія арачныя аконныя праёмы. Кілепадобнае 3-лопаснае завяршэнне мае прытвор, над дахам якога ўзведзена макаўка на цыліндрычным барабане. Вырашэнне фасадаў 2-колернае: на жоўтым фоне цаглянай муроўкі вылучаны чырвонай цэглай фрызавая частка, маленькія крыжы пад вокнамі^[2].

Зноскі

1. Храм святого великомученика Георгия Победоносца г.п. Красносельский Архівавана 28 снежня 2019.
2. Георгіеўская царква Архівавана 1 жніўня 2021.