Свята-Дабравешчанская царква (Кунаса)

Свята-Дабравешчанская царква — праваслаўны храм у вёсцы Кунаса Нясвіжскага раёна Мінскай вобласці, вул. Цэнтральная, 37 (інв. № 621/С-1027770).

Славутасць
Свята-Дабравешчанская царква
Дабравешчанская царква
53°19′15″ пн. ш. 26°48′54″ у. д.HGЯO
Краіна	Беларусь
Вёска	Кунаса
Канфесія	БПЦ
Епархія	Слуцкая епархія
Архітэктурны стыль	псеўдарускі стыль
Медыяфайлы на Вікісховішчы

Гісторыя

У цэнтры вёскі. Пабудавана ў канцы XIX стагоддзя з дрэва. Папярэдні драўляны храм у 1851 годзе быў адрамантаваны за кошт князя Радзівіла, але 13 верасня 1877 года быў знішчаны пажарам.

Архітэктура

Помнік народнага дойлідства з рысамі рэтраспектыўна-рускага стылю. Адносіцца да тыпу крыжова-купальных храмаў. Да цэнтральнага кубападобнага аб’ёму далучаны прамавугольныя ў плане прытвор, бакавыя прыдзелы і пяцігранная апсіда з бакавымі рызніцамі. Над сяродкрыжжам узведзены васьмігранны светлавы барабан, завершаны шатром і 5 макаўкамі. Макаўкай завершана двухсхільнае пакрыццё двухслуповага ганка. Гарызантальна ашаляваныя сцены па вуглах аздоблены разнымі пілястрамі, прарэзаны аконнымі праёмамі ў разных ліштвах.

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 613Г000493

Інтэр’ер

У інтэр’еры апсіда вылучана драўляным іканастасам.

Літаратура

• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.

Спасылкі

• Свята-Дабравешчанская царква (Кунаса) на сайце Глобус Беларусі (руск.)