Свята-Мікалаеўская царква (Мацылёўшчына)

Свята-Мікалаеўская царква — праваслаўны храм у вёсцы Мацылёўшчына (часта адносіцца да в. Грыцкевічы) Нясвіжскага раёна Мінскай вобласці.

Славутасць
Свята-Мікалаеўская царква
53°07′21″ пн. ш. 26°24′36″ у. д.HGЯO
Краіна	Беларусь
Вёска	Мацылёўшчына
Канфесія	БПЦ
Епархія	Слуцкая епархія

Гісторыя

На могілках. Пабудавана ў 19 ст. з дрэва, у канцы 20 ст. абкладзена цэглай.

Архітэктура

Твор народнага дойлідства. Вырашана кубападобным аб’ёмам пад шатровым дахам, завершаным макаўкай. Прамавугольны ў плане прытвор завершаны шатровай каркаснай званіцай над двухсхільным пакрыццём. Макаўкай завершаны вальмавы дах трохграннай апсіды. Неатынкаваныя фасады расчлянёны прамавугольнымі аконнымі праёмамі.

Зноскі