Свята-Мікалаеўская царква (Дудзічы)

Свята-Мікалаеўская царква — былы помнік архітэктуры класіцызму. Пабудаваная ў першай палове XIX стагоддзя з дрэва ў в. Дудзічы Чачэрскага раёна.

Царква
Свята-Мікалаеўская царква
52°44′49″ пн. ш. 30°50′23″ у. д.HGЯO
Краіна	Беларусь
Вёска	Дудзічы
Канфесія	Праваслаўе
Тып будынка	царква
Архітэктурны стыль	класіцызм
Дата пабудовы	XIX стагоддзе
Стан	згарэла

У паняцця ёсць і іншыя значэнні, гл. Свята-Мікалаеўская царква.

Архітэктура

Царква трохзрубная, складаецца з квадратнага ў плане двух'яруснага асноўнага аб'ёму, бабінца і пяціграннага алтарнага зрубу. Сцены завершаныя суцэльным поясам антаблементу. Над асноўны аб'ёмам васьмігранны купал з макаўкай, над бабінцам двух'ярусная званіца (васьмярык на чацверыку). Сцены будынку гарызантальна ашаляваныя, вуглы дэкарыраваныя дашчанымі накладкамі, якія імітуюць мураваны руст, шэраг вертыкальных дошчачак на фрызе ствараюць трыгліфы. Прамавугольныя вокны ў спрошчаных ліштвах з філёнгамі над імі. Інтэр'ер царквы зальны. Асноўнае памяшканне перакрытае васьмігранным скляпеннем. Столь бабінца і алтарнай часткі плоская.

Страта

Царква згарэла ў сакавіку 2002 года^[1][2].

Зноскі

1. Свята-Мікалаеўская царква (Дудзічы) на сайце Radzima.org
2. Свята-Мікалаеўская царква (Дудзічы) на сайце Глобус Беларусі (руск.)