Свята-Мікалаеўская царква (Калектыўная)

Спаса-Мікалаеўская царква — праваслаўная царква ў вёсцы Калектыўная пабудаваная ў канцы XVIII стагоддзя. Помнік архітэктуры барока.

Праваслаўны храм
Свята-Мікалаеўская царква
55°32′00″ пн. ш. 28°43′01″ у. д.HGЯO
Краіна	Беларусь
Вёска	Калектыўная
Канфесія	Беларуская праваслаўная царква
Епархія	Полацкая
Архітэктурны стыль	барока
Дата пабудовы	1750 год
Статус	Гісторыка-культурная каштоўнасць Беларусі, шыфр 213Г000671шыфр 213Г000671

У паняцця ёсць і іншыя значэнні, гл. Свята-Мікалаеўская царква.

Гісторыя

Пабудаваны Мікольскі скіт быў у 1750 годзе з цэглы на зямлі, якая належала Богаяўленскаму манастыру. Штогод да яго ладзіліся хрэсныя хады з асабліва шанаваным абразом Іверскай Маці Божай. Рэканструявана ў 2-й палавіне XIX стагоддзя.

Архітэктура

Вырашана крыжова-купальным аб'ёмам. На перакрыжаванні двухсхільных дахаў узведзены васьмігранны драўляны светлавы барабан, накрыты самкнутым шлемападобным купалам з макаўкай, над прытворам — двух'ярусная чатырохгранная шатровая званіца з макаўкай. Плоскасныя фасады парэзаны лучковымі аконнымі і ўваходнымі праёмамі ў ліштвах з замковым каменем, апяразаны прафіляваным карнізам, крапаваны вуглавымі слаёнымі лапаткамі. Унутры сцены ў ніжнім ярусе крапаваны лучковымі нішамі.

Літаратура

• Кулагін, А. М. Свята-Троіцкая царква, г. Гарадок / А. М. Кулагін // Праваслаўныя храмы Беларусі : энцыклапедычны даведнік. — Мн., 2007. — С.188.

Спасылкі

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 213Г000671

• Свята-Мікалаеўская царква (Калектыўная) на сайце Radzima.org
• Свята-Мікалаеўская царква (Калектыўная) на сайце Глобус Беларусі (руск.)
• Свята-Мікалаеўская царква (Калектыўная) на сайце «Архіварта»