Свята-Мікалаеўская царква (Чысць)

Свята-Мікалаеўская царква — мураваны праваслаўны храм у п. Чысць Маладзечанскага раёна Мінскай вобласці. Знаходзіцца каля могілак.

Славутасць
Свята-Мікалаеўская царква
54°15′16″ пн. ш. 27°07′45″ у. д.HGЯO
Краіна	Беларусь
Пасёлак	Чысць
Канфесія	БПЦ
Епархія	Маладзечанская епархія

Гісторыя

Храм пабудаваны ў 1996 годзе^[1].

Архітэктура

Пабудавана з цэглы. Трохчасткавы храм зграбных вертыкальна выцягнутых прапорцый. Дамінантай кампазіцыі з’яўляецца 5-ярусная (2 васьмерыка на 3 чацверыках) 4-гранная званіца, накрытая сферычным купалам з макаўкай. Над 2-схільным дахам малітоўнай залы ўзведзены аналагтчны 8-гранны светлавы барабан. Прамавугольная апсіда накрыта паўкруглым дахам, завершаным на тарцы макаўкай. Бакавыя фасады расчлянёны арачнымі аконнымі праёмамі, завершаны 3-лопасцевымі франтонамі^[2].

Зноскі

1. Свята-Мікалаеўская царква Архівавана 20 кастрычніка 2019.
2. Мікалаеўская царква Архівавана 14 чэрвеня 2021.