Свята-Міхайлаўская царква (Рамель)

Рамельская Міхайлаўская царква — помнік драўлянага дойлідства ў вёсцы Рамель Столінскага раёна Брэсцкай вобласці.

Праваслаўны храм
Свята-Міхайлаўская царква
Царква ў 1929 годзе
52°02′36,85″ пн. ш. 27°20′16,97″ у. д.HGЯO
Краіна	Беларусь
Вёска	Рамель
Канфесія	Беларуская праваслаўная царква
Епархія	Брэсцкая
Архітэктар	невядомы
Статус	Гісторыка-культурная каштоўнасць Беларусі, шыфр 112Г000691шыфр 112Г000691
Стан	дзейнічае
Медыяфайлы на Вікісховішчы

У паняцця ёсць і іншыя значэнні, гл. Свята-Міхайлаўская царква.

Гісторыя

Царква ў 1929 годзе

Пабудавана ў XVIII стагоддзі. У 1905 годзе з захаду да царквы далучана трох'ярусная званіца, завершаная шатровым дахам з галоўкай. У яе ніжнім ярусе хоры на 2 слупах.

У 1989 годзе царква аддадзена веруючым. Занесена ў Дзяржаўны спіс гісторыка-культурных каштоўнасцей Рэспублікі Беларусь як аб'ект гісторыка-культурнай спадчыны рэспубліканскага значэння.

Архітэктура

Царква 2-зрубная, складаецца з амаль квадратнага ў плане асноўнага і пяціграннага алтарнага зрубаў, накрытых агульным вальмавым дахам. Вільчык даху з боку галоўнага фасада прарэзаны глухім барабанам з галоўкай. Сцены вертыкальна ашаляваны дошкамі з нашчыльнікамі і завершаны простым карнізам з зубчастым падзорам. Інтэр'ер зальны з плоскай бэлечнай столлю.

Літаратура

• «Архітэктура Беларусі. Энцыклапедычны даведнік», Мінск 1993, стар. 413—414
• Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4

Спасылкі

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 112Г000691

• Свята-Міхайлаўская царква (Рамель) на сайце Праваслаўная архітэктура Беларусі (бел.)
• Свята-Міхайлаўская царква (Рамель) на сайце Radzima.org
• Свята-Міхайлаўская царква (Рамель) на сайце Глобус Беларусі (руск.)
• Свята-Міхайлаўская царква (Рамель) на сайце «Архіварта»