Свята-Міхайлаўская царква (Скідзель)

Свята-Міхайлаўская царква — праваслаўны храм у г. Скідзель Гродзенскага раёна.

Славутасць
Свята-Міхайлаўская царква
53°35′26″ пн. ш. 24°15′29″ у. д.HGЯO
Краіна	Беларусь
Месцазнаходжанне	Скідзель
Канфесія	БПЦ
Епархія	Гродзенская і Ваўкавыская епархія
Архітэктурны стыль	псеўдарускі стыль
Дата пабудовы	1851 год

Гісторыя

На могілках. Пабудавана ў 1851 г. з дрэва, на мяжы 20 — 21 ст. пашырана і абкладзена цэглай.

Архітэктура

Вырашана 2 прамавугольнымі ў плане аб’ёмамі: працяглай трапезнай і кубападобнай малітоўнай залы. Франтальны фасад завершаны трохвугольным франтонам з драўлянай васьміграннай шатровай званіцай над ім. Над алтарнай часткай узведзены васьмігранны купальны барабан. Уваход аформлены арачным двухслуповым рундуком. Фасады рытмічна расчлянёны арачнымі аконнымі праёмамі і нішамі з крыжамі.

Інтэр’ер

Абразы мяжы 18 — 19 ст. «Маці Божая Чанстахоўская» і «Прарок Давід».

Зноскі