Свята-Пакроўская царква (Вялікія Лазіцы)

Свята-Пакроўская царква — праваслаўны храм у гонар Пакрова Прасвятой Багародзіцы ў в. Вялікія Лазіцы Шклоўскага раёна Магілёўскай вобласці

Праваслаўны храм
Свята-Пакроўская царква
Галоўны ўваход
54°04′42,66″ пн. ш. 30°04′26,29″ у. д.HGЯO
Краіна	Беларусь
Вёска	Вялікія Лазіцы
Канфесія	Беларуская праваслаўная царква
Епархія	Магілёўская і Мсціслаўская епархія
Архітэктурны стыль	народнае дойлідства
Дата пабудовы	1820 год
Статус	Гісторыка-культурная каштоўнасць Беларусі, шыфр 513Г000574шыфр 513Г000574
Медыяфайлы на Вікісховішчы

У паняцця ёсць і іншыя значэнні, гл. Свята-Пакроўская царква.

Пабудавана ў цэнтры вёскі ў 1820 годзе з дрэва. Занесена ў Дзяржаўны спіс гісторыка-культурных каштоўнасцей Рэспублікі Беларусь як аб'ект гісторыка-культурнай спадчыны рэгіянальнага значэння.

Архітэктура

Апсіда

Помнік народнага дойлідства з рысамі класіцызму. Аснову кампазіцыі складае крыжова-купальны асноўны аб'ём, да якога праз кароткі бабінец далучаны квадратны ў плане прытвор. Да цэнтральнага кубападобнага аб'ёму прылягаюць прамавугольныя ў плане прыдзелы і пяцігранная апсіда, накрытыя вальмавымі дахамі з макаўкамі на гранёных шыях. Цэнтральны аб'ём завершаны магутным васьмігранным светлавым барабанам з гранёным сферычным купалам. Галоўны ўваход вылучаны ганкам з двухсхільнай навіссю на парных слупах. Вертыкальна ашаляваныя фасады прарэзаны прамавугольнымі аконнымі праёмамі ў простых ліштвах.

Інтэр'ер

У інтэр'еры дамінуе прастора сяродкрыжжа, перакрытая скляпеннем на ветразях, якое абапіраецца на 3 пары слупоў.

Літаратура

• Праваслаўныя храмы Беларусі / А. М. Кулагін, З. Э. Герасімовіч, У. П. Свентахоўскі. — Мн., БелЭн, 2007. — стар. 103.

Спасылкі

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 513Г000574

• Свята-Пакроўская царква (Вялікія Лазіцы) на сайце Праваслаўная архітэктура Беларусі (бел.)
• Свята-Пакроўская царква (Вялікія Лазіцы) на сайце Radzima.org
• Свята-Пакроўская царква (Вялікія Лазіцы) на сайце Глобус Беларусі (руск.)
• Свята-Пакроўская царква (Вялікія Лазіцы) на сайце «Архіварта»