Свята-Раства-Багародзіцкая царква (Ракавічы)

Свята-Раства-Багародзіцкая царква — праваслаўны храм у в. Ракавічы Шчучынскага раёна Гродзенскай вобласці.

Праваслаўны храм
Свята-Раства-Багародзіцкая царква
53°30′43″ пн. ш. 24°50′06″ у. д.HGЯO
Краіна	Беларусь
Аграгарадок	Ракавічы
Канфесія	Праваслаўе
Епархія	Гродзенская і Ваўкавыская
Благачынне	Шчучынскае
Дата пабудовы	1910-я
Стан	дзейнічае
Медыяфайлы на Вікісховішчы

Гісторыя

На паўднёвай ускраіне вёскі. Пабудавана ў 1910-я гг. з цэглы на месцы храма 1876 г. У стадыі будаўніцтва адлюстравана на фотаздымку Я. Балзункевіча пачатку 20 ст.

Архітэктура

Помнік архітэктуры рэтраспектыўна-рускага стылю. Пабудавана паводле канона чатырохчасткавай аб’ёмна-прасторавай кампазіцыі. Над прытворам узведзена васьмерыковая шатровая званіца з цыбулепадобнай галоўкай. Праз кароткую трапезную званіца далучаецца да кубападобнага аб’ёму малітоўнай залы пад чатырохсхільным пакрыццём, завершаным цыбулепадобным купалам на васьмігранным барабане.

Шануецца абраз «Маці Божая».

Літаратура

• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4
• Лаўрэш Леанід. Парафіяне царквы ў Ракавічах, 31 ліпеня 1829 г. // Лідскі Летапісец. 2021. № 3-4(95-96). — С. 36-41.
• Лаўрэш Леанід. Прыход у Ракавічах // Лідскі Летапісец. 2021. № 3-4(95-96). — С. 32-41.

Спасылкі

• Свята-Раства-Багародзіцкая царква (Ракавічы) на сайце Глобус Беларусі (руск.)
• Свята-Раства-Багародзіцкая царква (Ракавічы) на сайце Radzima.org