Свята-Раства-Багародзіцкая царква (Худаўцы)

Свята-Раства-Багародзіцкая царква — праваслаўны храм у аграгарадку Худаўцы Крупскага раёна. Пабудаваная ў другой палове XIX стагоддзя на невялікім пагорку ў цэнтры вёскі, каля могілак. Помнік драўлянага дойлідства.

Праваслаўны храм
Свята-Раства-Багародзіцкая царква
54°22′57″ пн. ш. 29°10′46″ у. д.HGЯO
Краіна	Беларусь
Вёска	Худаўцы
Канфесія	Беларуская праваслаўная царква
Епархія	Барысаўская епархія
Архітэктурны стыль	беларускае народнае дойлідства
Дата пабудовы	XIX стагоддзе

У паняцця ёсць і іншыя значэнні, гл. Свята-Раства-Багародзіцкая царква.

Архітэктура

Трохзрубны аднаапсідны храм з двух'яруснай прамавугольнай у сячэнні званіцай над бабінцам. Цэнтральны аб'ём завершаны масіўным купалам на двух'ярусным васьмігранным барабане і чатырма кутнімі вежачкамі (на васьмерыках) з цыбулепадобнымі галоўкамі. Вільчык даху пяціграннай апсіды завершаны цыбулепадобным купалам. У дэкоры выкарыстаныя разныя арнаментальныя паясы, стылізаваныя закамары. Уваход у храм падкрэслены паддашкам на ажурных кранштэйнах чыгуннага ліцця. Унутраную прастору ўпрыгожвае драўляны іканастас, багата аздоблены пазалочанай разьбой.

Зноскі