Барысаўская епархія

Барысаўская епархія — епархія Беларускага экзархата Рускай Праваслаўнай Царквы, якая аб’ядноўвае прыходы на тэрыторыі Барысаўскага, Бярэзінскага, Крупскага, Лагойскага, Пухавіцкага, Смалявіцкага і Чэрвеньскага раёнаў Мінскай вобласці Беларусі. Уваходзіць у склад Мінскай мітраполіі.

Барысаўская епархія
Свята-Васкрасенскі сабор
Агульныя звесткі
Краіна	Беларусь
Мітраполія	Мінская
Епархіяльны цэнтр	Барысаў
Заснавана	23 кастрычніка 2014
Кіраванне
Кіруючы архірэй	Епіскап Барысаўскі і Мар’інагорскі Веніямін (Тупека) (з 23 кастрычніка 2014)
Кафедральны храм	Свята-Васкрасенскі сабор у Барысаве
Другі кафедральны храм	Свята-Аляксандра-Неўскі сабор у Мар’інай Горцы
Статыстыка
Благачынняў	11
Прыходаў	120
Манастыроў	3
Сайт	borisoveparhia.by
Карта
Медыяфайлы на Вікісховішчы

Гісторыя

13 сакавіка 2002 года Свяшчэнны Сінод заснаваў Барысаўскае вікарыяцтва. 31 сакавіка 2002 года ў мінскім Свята-Духавым кафедральным саборы ў епіскапа Барысаўскага быў пасвечаны епіскап Іаан. Месцазнаходжаннем епіскапа Барысаўскага быў вызначаны Мінск^[1].

Адноўлена рашэннем Свяшчэннага Сінода Рускай праваслаўнай царквы 5 сакавіка 2010 года як вікарыяцтва Мінскай епархіі ў сувязі з прашэннем мітрапаліта Філарэта аб прызначэнні вікарнага епіскапа ў Мінскую епархію. Вікарным епіскапам быў абраны архімандрыт Веніямін, намеснік Дабравешчанскага манастыра ў Малых Лядах^[2].

23 кастрычніка 2014 года Свяшчэнны Сінод Рускай праваслаўнай царквы вырашыў стварыць самастойную Барысаўскую епархію шляхам вылучэння са складу Мінскай епархіі. Епархія ўвайшла ў склад утворанай Мінскай мітраполіі^[3].

У епархіі дзейнічаюць 3 манастыры: Дабравешчанскі манастыр ў Малых Лядах, Свята-Іаана-Багаслоўскі жаночы манастыр ў Дамашанах, Жаночы манастыр у гонар святой блажэннай Ксеніі Пецярбургскай у Барані.

Епіскапы

Барысаўскае вікарыяцтва (Мінскай епархіі)

• Іаан (Хама) (31 сакавіка 2002 — 7 кастрычніка 2002)
• Веніямін (Тупека) (21 сакавіка 2010 — 23 кастрычніка 2014)

Барысаўская епархія

• Веніямін (Тупека) (з 23 кастрычніка 2014)

Благачынныя акругі

• Бярэзінскае благачынне — 8 прыходаў.
• 1-е Барысаўскае благачынне — 13 прыходаў.
• 2-е Барысаўскае благачынне — 14 прыходаў.
• Жодзінскае благачынне — 11 прыходаў.
• Крупскае благачынне — 6 прыходаў.
• 1-е Лагойскае благачынне — 11 прыходаў.
• 2-е Лагойскае благачынне — 11 прыходаў.
• 1-е Пухавіцкае благачынне — 9 прыходаў.
• 2-е Пухавіцкае благачынне — 12 прыходаў.
• Смалявіцкае благачынне — 13 прыходаў.
• Чэрвеньскае благачынне — 12 прыходаў.

Зноскі

1. Г. Н. Шэйкін. Барысаўскае вікарыяцтва. — Праваслаўная энцыклапедыя (руск.)
2. Часопісы пасяджэння Свяшчэннага Сінода ад 5 сакавіка 2010 года. // Патриархия.Ru
3. Часопісы пасяджэння Свяшчэннага Сінода ад 23 кастрычніка 2014 года (нявызн.). // Патриархия.Ru (23 кастрычніка 2014).