Свята-Троіцкая царква (Даўгінава)

Свята-Троіцкая царква — праваслаўны храм у аг. Даўгінава (Вілейскі раён). Помнік архітэктуры рэтраспектыўна-рускага стылю.

Праваслаўны храм
Свята-Троіцкая царква
Царква ў гонар Святой Троіцы
54°38′30,29″ пн. ш. 27°28′28,10″ у. д.HGЯO
Краіна	Беларусь
Аграгарадок	Даўгінава
Канфесія	Беларуская праваслаўная царква
Епархія	Маладзечанская епархія
Архітэктурны стыль	рэтраспектыўна-рускі стыль
Медыяфайлы на Вікісховішчы

У паняцця ёсць і іншыя значэнні, гл. Свята-Троіцкая царква.

Гісторыя

Царква ў 1896 годзе

Царква ў 1941 годзе

Пабудаваная ў другой палове XIX ст. (да 1886 г.) з цэглы.

Архітэктура

Храм чатырохчасткавай падоўжна-восевай кампазіцыі: званіца, трапезная, асноўны аб'ём з прыдзеламі, апсіда. Прыдзелы і апсіда вырашаныя паўратондамі. Двух'ярусная (васьмярык на чацверыку) шатровая званіца надбудаваная над прытворам і завершаная цыбулепадобнай галоўкай. Над сяродкрыжжам буйны васьмігранны светлавы барабан накрыты самкнутым сферычным купалам і цыбулепадобнай галоўкай. Грані барабану і званіцы маюць кілепадобныя завяршэнні. Галоўны і бакавыя ўваходы вылучаныя двухслуповымі порцікамі з трохвугольнымі франтонамі. Фасады прарэзаныя адзінарнымі і падвойнымі арачнымі вокнамі ў плоскіх ліштвах, дэкарыраваныя паясамі парэбрыка і зубцоў, лапаткамі.

Інтэр'ер

Унутраная прастора храму перакрытая цыліндрычнымі скляпеннямі, сферычным купалам на ветразях у сяродкрыжжы, конхамі ў апсідзе і прыдзелах, расчыненых у залу шырокімі арачнымі прасветамі. Апсіда аддзеленая драўляным пазалочаным іканастасам.

Літаратура

• Архітэктура Беларусі: Энцыклапедычны даведнік / Беларус. Энцыкл.; Рэкал.: А. А. Воінаў і інш. — Мн.: БелЭн, 1993. — 620 с. — 10 000 экз. — ISBN 5-85700-078-5.
• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.

Спасылкі

• Свята-Троіцкая царква (Даўгінава) на сайце Radzima.org
• Свята-Троіцкая царква (Даўгінава) на сайце Глобус Беларусі (руск.)