Свята-Троіцкая царква (Крывічы)

Свята-Троіцкая царква — праваслаўны храм у г.п. Крывічы Мядзельскага раёна Мінскай вобласці.

Праваслаўны храм
Свята-Троіцкая царква
Свята-Троіцкая царква ў Крывічах
54°42′47,22″ пн. ш. 27°17′26,30″ у. д.HGЯO
Краіна	Беларусь
Гарадскі пасёлак	Крывічы
Канфесія	Беларуская праваслаўная царква
Епархія	Маладзечанская епархія
Архітэктурны стыль	рэтраспектыўна-рускі стыль
Дата пабудовы	1887 год
Статус	Гісторыка-культурная каштоўнасць Беларусі, шыфр 613Г000435шыфр 613Г000435
Медыяфайлы на Вікісховішчы

У паняцця ёсць і іншыя значэнні, гл. Свята-Троіцкая царква.

Гісторыя

Царква ў пачатку XX ст.

Знаходзіцца ў цэнтры пасёлка. Пабудавана ў 1887 г. з цэглы і бутавага каменю на ўрадавыя сродкі. Царкоўны пагост акаймаваны бутавай агароджай з 3-арачнай брамай. Да 1990-х гг. была закрыта.

У архіўных дакументах адзначаецца існаванне ў 1639 г. царквы ў цэнтры гандлёвай плошчы і царквы на беразе р. Сэрвач, у 1800 г. — драўлянай уніяцкай царквы. Апошняя пасля скасавання уніі стала праваслаўнай (у 1881 прыхаджане хадайнічалі аб стварэнні іканастаса), але да 1880-х гг. прыйшла ў заняпад і была закрыта^[1].

Архітэктура

Брама

Помнік архітэктуры рэтраспектыўна-рускага стылю. У аснове будынка — кубападобны аб'ём малітоўнай залы, да якога з усходу далучаецца паўкруглая апсіда, з заходу праз трапезную — трох'ярусная шатровая званіца-прытвор (васьмярык на 2 чацверыках). Асноўны аб'ём накрыты пакатым чатырохсхільным дахам з васьмігранным барабанам і цыбулепадобным купалам; шацёр званіцы завершаны макаўкай. Арачныя аконныя праёмы і 3 уваходныя парталы дэкарыраваны кілепадобнымі ліштвамі. Фасады ўпрыгожаны падаконнымі нішамі і нішамі-крыжамі, апяразаны зубчастымі фрызамі і прафіляванымі карнізамі.

Зноскі

1. Минские епархиальные ведомости. 1886. № 5. С. 129—132.