Свята-Успенская царква (Ласінцы)

Свята-Успенская царква — праваслаўны храм у в. Ласінцы Драгічынскага раёна Брэсцкай вобласці.

Праваслаўны храм
Свята-Успенская царква
52°15′40,8″ пн. ш. 25°04′33,85″ у. д.HGЯO
Краіна	Беларусь
Вёска	Ласінцы
Канфесія	Беларуская праваслаўная царква
Епархія	Брэсцкая і Кобрынская
Благачынне	Драгічынскае
Архітэктурны стыль	класіцызм
Дата пабудовы	1862 год
Статус	Гісторыка-культурная каштоўнасць Беларусі, шыфр 113Г000203шыфр 113Г000203

У паняцця ёсць і іншыя значэнні, гл. Свята-Успенская царква.

Гісторыя

Знаходзіцца каля могілак. Пабудавана ў 1862 г. з дрэва. Асобна пастаўлена двух'ярусная чацверыковая шатровая званіца, верхні ярус-звон якой адкрыты і апяразаны балюстрадай.

Архітэктура

Помнік архітэктуры класіцызму. Выцягнуты па падоўжнай восі зруб накрыты двухсхільным дахам з вальмамі над пяцісценнай апсідай. Дах завяршаюць цыбулепадобныя галоўкі над апсідай і галоўным фасадам. Элемент асіметрыі ў кампазіцыю храма ўносіць бакавая рызніца пад 1-схільным дахам. З архітэктурнага арсенала класіцызму выкарыстаны паўцыркульныя архівольты і разныя з замкавым каменем ліштвы аконных праёмаў, вылучаныя на фоне вертыкальнай шалёўкі сцен. Храм мае 3 уваходы. Пры ўваходзе ў малітоўную залу размешчаны хоры.

Літаратура

• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 113Г000203

• Свята-Успенская царква (Ласінцы) на сайце Radzima.org
• Свята-Успенская царква (Ласінцы) на сайце Глобус Беларусі (руск.)
• Свята-Успенская царква (Ласінцы) на сайце «Архіварта»