Свінавод

Свінаво́д, Свінаводка — рака ў Беларусі, у Лельчыцкім і Жыткавіцкім раёнах Гомельскай вобласці, правы прыток ракі Прыпяць (басейн Дняпра).

Свінавод
Характарыстыка
Даўжыня	46 км
Басейн	511 км²
Расход вады	2 м³/с (у вусці)
Вадацёк
Выток	Лельчыцкі раён
• Месцазнаходжанне	за 4 км на поўнач ад вёскі Данілевічы
• Вышыня	каля 148,3[1] м
• Каардынаты	51°48′42,80″ пн. ш. 27°57′03″ у. д.HGЯO
Вусце	Прыпяць
• Месцазнаходжанне	за 1 км на поўнач ад вёскі Перароўскі Млынок
• Каардынаты	52°03′16,20″ пн. ш. 28°03′39,80″ у. д.HGЯO
Ухіл ракі	0,8 м/км
Размяшчэнне
Водная сістэма	Прыпяць → Дняпро → Чорнае мора
Краіна	Беларусь
Рэгіён	Гомельская вобласць
Раёны	Лельчыцкі раён, Жыткавіцкі раён
выток вусце
— выток, — вусце

Даўжыня 46 км. Плошча вадазбору 511 км². Сярэднегадавы расход вады ў вусці 2 м³/с. Сярэдні нахіл воднай паверхні 0,8 ‰.
Пачынаецца за 4 км на поўнач ад вёскі Данілевічы Лельчыцкага раёна, вусце за 1 км на поўнач ад вёскі Перароўскі Млынок Жыткавіцкага раёна. У нізкай плыні большую частку сцёку перахоплівае Крушынная канава. Рака цячэ па ўсходняй частцы нізіны Прыпяцкае Палессе, па лясістай забалочанай мясцовасці.

Прытокі — Мутнянка (леваруч), Крухавец, Шушараўка (праваруч).

Даліна ў вярхоўі месцамі трапецападобная, вузкая, у сярэдняй і нізкай плыні невыразная, зліваецца з прылеглай мясцовасцю. Абалона ў высокай плыні перарывістая, чаргуецца па берагах, у сярэдняй плыні шырыня 0,3—0,8 км, у нізкай — зліваецца з абалонай Прыпяці. Рэчышча звілістае, шырыня 1—6 м.

У басейне ракі азёры Мыслічы, Пупаўскае.

Зноскі

1. Ліст карты М-35-08. Выданне 1974 г. (руск.)