Сена (дэпартамент)

Сена (фр.: département de la Seine, першапачаткова Парыж, Paris) — дэпартамент Францыі, які існаваў у 1790—1968 гадах, самы малы па тэрыторыі (480 кв. км), але самы значны па колькасці жыхароў у Францыі. Падзяляўся на тры акругі: Парыж, Сен-Дэні і Со (Sceaux). Быў скасаваны па законе ад 10 ліпеня 1964 года па рэарганізацыі парыжскага рэгіёна, а яго тэрыторыя была падзелена на чатыры новыя дэпартаменты:

• Парыж (адна камуна з 20 акруг),
• О-дэ-Сен (27 камун),
• Сен-Сен-Дэні (24 камуны),
• Валь-дэ-Марн (29 камун).

Сена
Краіна	Францыя
Уваходзіць у	рэгіён Іль-дэ-Франс (1960—1967) Францыя
Адміністрацыйны цэнтр	Парыж
Дата ўтварэння	4 сакавіка 1790
Дата скасавання	31 снежня 1967
Медыяфайлы на Вікісховішчы

У паняцця ёсць і іншыя значэнні, гл. Сена.

Насельніцтва

Быў адным з нешматлікіх дэпартаментаў у Францыі, насельніцтва якога ўвесь час расло ў XIX стагоддзі:

• у 1800 года налічвалася 630,5 тыс.,
• у 1831 года 935 тыс.,
• у 1851 годзе 1422 тыс.,
• у 1872 годзе 2220 тыс.,
• у 1881 годзе 2794 тыс.

Геаграфія

• Паверхня — раўнінная; узровень каля Парыжа — 26 м над морам.
• Галоўныя вышыні: Манмартр (100 м), М. Валерыен (104 м), каля Рані 92 м, каля Со 143 м.
• Рэкі Сена, Марна, Б’еўра і каналы Урк, Сен-Дэні і Сен-Мартэн.
• Глеба малаўрадлівая (вапнава-мергелістая), але з прычыны інтэнсіўнай апрацоўкі і ўгнаення вельмі прадукцыйная (садаводства і агародніцтва). Ламальні каменя і гіпсу.

Літаратура

• Сены департамент // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.