Скараднянскі сельсавет

Скарадня́нскі сельсавет — адміністрацыйна-тэрытарыяльная адзінка ў складзе Ельскага раёна Гомельскай вобласці Беларусі. Адміністрацыйны цэнтр — аграгарадок (да 2011 года вёска) Скароднае.

Скараднянскі сельсавет
Краіна	Беларусь
Статус	сельсавет
Уваходзіць у	Ельскі раён
Уключае	7 населеных пунктаў
Адміністрацыйны цэнтр	Скароднае
Дата ўтварэння	20 жніўня 1924
Насельніцтва (2019)	587
Часавы пояс	UTC+03:00
Код аўтам. нумароў	3

Гісторыя

Утвораны 20 жніўня 1924 года як Скародненскі сельсавет у складзе Каралінскага раёна Мазырскай акругі БССР. Цэнтр — вёска Карма. З 26 ліпеня 1930 года Каралінскага раёна БССР, з 5 лютага 1931 года Ельскага раёна БССР, з 21 чэрвеня 1935 года — Мазырскай акругі, з 20 лютага 1938 года — Палескай вобласці, з 8 студзеня 1954 года — Гомельскай вобласці. 17 снежня 1959 года вёска Валаўск перададзена ў склад Кармянскага сельсавета^[1]. На 1 студзеня 1974 года ў складзе Скараднянскага сельсавета 10 населеных пунктаў^[2]. 1 красавіка 1983 года скасавана вёска Захаркі 1^[3], 17 лістапада 2005 года — вёскі Кузьмічы, Пагарэлае, Патапы і Шышкі^[4]. 28 снежня 2005 года сельсавет перайменаваны ў Скараднянскі^[5]. 13 мая 2010 года была ліквідавана вёска Захаркі 2^[6].

Насельніцтва

Насельніцтва сельсавета паводле перапісу 2009 года (8 населеных пунктаў) — 770 чалавек^[7], з іх 93,5 % — беларусы, 4,0 % — рускія, 2,1 % — украінцы^[8]; паводле перапісу 2019 года (7 населеных пунктаў) — 587 чалавек^[9].

Зноскі

1. Рашэнне выканкома Гомельскага абласнога Савета дэпутатаў працоўных ад 17 снежня 1959 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1959, № 18.
2. Белорусская ССР. Административно-территориальное деление. На 1 января 1974 года. (руск.). — Выданне 5-е. — Мн.: Беларусь, 1974. — С. 83. — 248 с. — 10 000 экз.
3. Рашэнне выканкома Гомельскага абласнога Савета народных дэпутатаў ад 1 красавіка 1983 г. // Збор законаў Беларускай ССР, указаў Прэзідыума Вярхоўнага Савета Беларускай ССР, пастаноў Савета Міністраў Беларускай ССР. — 1983, № 13 (1747).
4. Решение Гомельского областного исполнительного комитета от 17 ноября 2005 г. № 793 Об исключении из данных по учету и регистрации административно-территориальных и территориальных единиц населенных пунктов Брагинского, Ветковского, Ельского и Хойникского районов Архівавана 2 чэрвеня 2021.
5. Пералік зменых назваў геаграфічных аб’ектаў Беларусі за 1997—2008 гг. Архівавана 4 сакавіка 2016.
6. Решение Ельского районного Совета депутатов от 13 мая 2010 г. № 10 Об упразднении сельского населенного пункта
7. Колькасць насельніцтва населеных пунктаў Гомельскай вобласці Беларусі паводле перапісу 2009 года
8. Этнічны склад насельніцтва сельсаветаў Беларусі паводле перапісу 2009 года
9. Колькасць насельніцтва населеных пунктаў Гомельскай вобласці Беларусі паводле перапісу 2019 года