Скарчава

Ска́рчава^[1] (трансліт.: Skarčava, руск.: Скарчево) — вёска ў Баранавіцкім раёне Брэсцкай вобласці. Уваходзіць у склад Крошынскага сельсавета. Размешчана за 10 км на паўночны ўсход ад Баранавіч. Насельніцтва 152 жыхары, 71 гаспадарка (2005).

Вёска Скарчава Краіна Беларусь Вобласць Брэсцкая Раён Баранавіцкі Сельсавет Крошынскі Каардынаты 53°11′46″ пн. ш. 26°06′19″ у. д.HGЯO Насельніцтва ▼93 чал. (2019) Часавы пояс UTC+3 Тэлефонны код +375 163 Паштовыя індэксы 224132 Аўтамабільны код 1 СААТА 1204830061 Скарчава Скарчава

Гісторыя

Раней сяленне называлася Плябанская Слабада. Пад гэтай назвай вёска ўпамінаецца ў 1889 годзе. Паводле перапісу 1897 года ў Сталовіцкай воласці Навагрудскага павета Мінскай губерні, дзейнічалі хлебазапасны магазін, карчма. У 1909 годзе ў вёсцы дзейнічала народнае вучылішча.

З 1921 года ў складзе Польшчы, у Сталовіцкай гміне Баранавіцкага павета Навагрудскага ваяводства.

З 1939 года ў БССР. З 15 студзеня 1940 года ў Гарадзішчанскім раёне Баранавіцкай, з 8 студзеня 1954 года Брэсцкай абласцей, з 25 снежня 1962 года ў Баранавіцкім раёне.

У Вялікую Айчынную вайну з канца чэрвеня 1941 года да ліпеня 1944 года вёска акупіравана нямецка-фашысцкімі захопнікамі. На франтах вайны загінулі 5 землякоў.

Інфраструктура

Працуе магазін.

Насельніцтва

• XIX стагоддзе:
  • 1897 — 286 двароў, 954 жыхары.
• XX стагоддзе:
  • 1909 — 145 двароў, 740 жыхароў.
  • 1921 — 32 дамы, 236 жыхароў.
  • 1959 — 287 жыхароў.
  • 1970 — 288 жыхароў.
  • 1998 — 91 двор, 139 жыхароў.
• XXI стагоддзе:
  • 2005 — 152 жыхары, 71 гаспадарка.

Вядомыя асобы

• Сяргей Уладзіміравіч Кабяк (нар. 1945) — беларускі вучоны-гісторык, заслужаны работнік адукацыі Беларусі, выдатнік народнай асветы.

Зноскі

1. Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)