Скрыпава

Скрыпава — возера ў Беларусі, у Мядзельскім раёне Мінскай вобласці, у басейне ракі Нарач. Знаходзіцца за 3,5 км на паўднёвы захад ад горада Мядзел, за 0,3 км на паўднёвы ўсход ад вёскі Качаргі, паміж азёрамі Мястра і Баторына. Адносіцца да Нарачанскай групы азёр.

Скрыпава
Морфаметрыя
Даўжыня	0,18 км
Шырыня	0,07 км
Плошча	0,01 км²
Даўжыня берагавой лініі	0,41 км
Гідралогія
Тып мінералізацыі	маламінералізаваны
Размяшчэнне
Краіна	Беларусь
Рэгіён	Мінская вобласць
Скрыпава
Скрыпава

У паняцця ёсць і іншыя значэнні, гл. Скрыпава (значэнні).

Плошча паверхні возера — 0,01 км². Даўжыня — 0,18 км, найбольшая шырыня — 0,07 км, даўжыня берагавой лініі — 0,41 км^[1]. Возера праточнае. Катлавіна рэшткавага тыпу, выцягнута з поўначы на поўдзень. Вадазбор плоска-нізінны. Берагі невысокія, травяністыя. У паўднёвай частцы возера выцякае ручай у возера Мястра. Вада возера — гідракарбанатна-кальцыева-магніевая. Трафічны статус вадаёма — эўтрофны, з прыкметамі дыстрафіі.

Зноскі

1. Возера Скрыпава / Водныя рэсурсы Нацыянальнага парку «Нарачанскі» (руск.)