Славамір Іванюк

Славамір Іванюк (польск.: Sławomir Iwaniuk; нар. 1962, г. Бельск Падляскі^[2]) — дзеяч беларускай меншасці ў Польшчы.

Славамір Іванюк
Дата нараджэння	1962[1]
Месца нараджэння	Бельск Падляскі, Бельскі павет, Падляскае ваяводства, Польшча
Грамадзянства	Польшча
Месца працы	Czasopis Дзяржаўны архіў у Беластоку[d]
Альма-матар	Беларускі ліцэй імя Браніслава Тарашкевіча ў Бельску Падляскім UMCS
Член у	Беларускае гістарычнае таварыства

У Вікіпедыі ёсць артыкулы пра іншых людзей з прозвішчам Іванюк.

Біяграфія

Скончыў у маі 1981 года Агульнаадукацыйны ліцэй з беларускай мовай навучання ў Бельску Падляскім. Атрымаў ступень магістра гісторыі па спецыяльнасці архівазнаўства на факультэце гуманітарных навук Універсітэта Марыі Кюры-Складоўскай у Любліне^[2].

З 1986 года працуе ў Дзяржаўным архіве ў Беластоку, дзе кіруе Аддзелам па наглядзе за нарошчваннем архіўных фондаў^[2].

З моманту стварэння ў 1994 г. Беларускага гістарычнага таварыства з’яўляўся віцэ-прэзідэнтам гэтай арганізацыі^[2].

З 1990 г. — член рэдакцыйнай калегіі штомесячніка «Czasopis». У 2013 годзе ўвайшоў у склад Сумеснай камісіі ўрада і нацыянальных і этнічных меншасцяў, прадстаўляючы беларускую меншасць^[2].

Навуковая дзейнасць

Даследуе гісторыю Падляшша (Беласточчына), аўтар ці сааўтар чатырох крыніц, сааўтар кнігі «Гісторыя беларусаў Падляшша» (польск.: Historia Belarusów Podlasie, 2016) і аўтар некалькіх навуковых артыкулаў^[2].

Зноскі

1. NUKAT — 2002.

   <a href='https://wikidata.org/wiki/Track:Q11789729'></a>
2. Іванюк Славамір Архівавана 30 чэрвеня 2023.. Kamunikat.org