Сноўка (прыток Ушы)

У паняцця ёсць і іншыя значэнні, гл. Сноўка.

Сно́ўка^[2] — рака ў Нясвіжскім раёне Мінскай вобласці Беларусі, левы прыток ракі Уша (басейн ракі Нёман).

Сноўка
Характарыстыка
Даўжыня	20 км
Вадацёк
Выток
• Месцазнаходжанне	каля вёскі Малаеды
• Каардынаты	53°08′40,80″ пн. ш. 26°28′18,20″ у. д.HGЯO
Вусце	Уша
• Месцазнаходжанне	на ўсход ад вёскі Еськавічы
• Вышыня	162[1] м
• Каардынаты	53°13′57,10″ пн. ш. 26°32′20″ у. д.HGЯO
Размяшчэнне
Водная сістэма	Уша → Нёман → Балтыйскае мора
Краіна	Беларусь
Рэгіён	Мінская вобласць
Раён	Нясвіжскі раён
выток вусце
— выток, — вусце
Медыяфайлы на Вікісховішчы

Даўжыня Сноўкі 20 кіламетраў. Пачынаецца каля вёскі Малаеды, упадае ва Ушу за 900 метраў на ўсход ад вёскі Еськавічы. Рэчышча каналізаванае. Каля вёсак Каменка, Высокая Ліпа і Тарэйкі створаны сажалкі.

Назва

Назва старабалцкага паходжання. Пярвейшая назоўная форма — Сноў, што і адлюстравалася ў тапоніме Сноў.

Прамыя гідранімічныя адпаведнікі — назвы буйной дзесенскай ракі Сноў^[ru], малой ракі Сноўка (< Сноў) у басейне Прыпяці, Сноведзь на Павоччы.

Ад індаеўрапейскага *(s)nā- / *(s)nāu- / (s)neu- «цячы». Ад яго з дапамогай пашыральніка -l- гідронім Нальша на Павоччы^[3], літоўская Nalija^[4]. З дапамогай пашыральніка -t- назва рэк Нача, пруская *Nātangā^[5][6], літоўскія водныя назвы Nota, Notė, Notija, Notera^[7].

Назва ракі Сноў значыць «Плыткая (рака)».

Старабалцкае *Snāvas «цячэнне» (< індаеўрапейскае *sna-ṷo-s) захавалася на сёння толькі ў гідраніміі. Фанетычна падобная структура ў старабалцкага *Drāvas (таксама захавалася толькі ў гідраніміі), ад індаеўрапейскага *dreu- «бегчы, імкнуцца»^[4], ад якога рачныя назвы тыпу Адроў, Сухадроўка.