Соневыя
From Wikipedia, the free encyclopedia
Remove ads
Соневыя, або соні (Gliridae, або Myoxidae) — сямейства млекакормячых атрада грызуноў.
Remove ads
Апісанне
Даўжыня цела да 20 см, хваста да 17 см, маса да 180 г. Футра густое, мяккае, кароткае. Хвост у лясных відаў густа апушаны, у наземных паўголы.
Афарбоўка, як правіла, аднатонная, ад шэрай да карычневай. Некаторыя віды маюць маску: цёмныя палосы, якія ідуць ад носа да шчок, і/або плямы вакол вачэй. Ніжні бок звычайна святлейшы.
Пашырэнне
Пашыраны ў лясах і лесастэпах Еўразіі, лясах і саваннах Афрыкі, у Японіі. Жывуць у гнёздах, дуплах, норах. Аддаюць перавагу шыракалістым і мяшаным лясам. Актыўныя, як правіла, ўначы. Дрэвавыя формы могуць амаль не спускацца на зямлю, астатнія вядуць у асноўным наземны спосаб жыцця.
Вядомы з алігацэну (каля 35 млн гадоў назад). Адрозніваюць 7—8 родаў, 17 відаў (соня лясная, соня-палчок, соня садовая, соня арэшнікавая і інш.).
Remove ads
Асаблівсці біялогіі
Усяедныя. Кормяцца пладамі і насеннем раслін, насякомымі, паядаюць дробных птушак і птушыныя яйкі.
Гнёзды ладзяць у дуплах, сярод галін або ў расколіне на зямлі. Да восені назапашваюць тлушч. На зіму ўпадаюць у спячку, якая можа працягвацца 6 месяцаў і больш.
У годзе 1 памёт (рэдка 2). Нараджаюць 2–9 дзіцянят. Жывуць 2–5 гадоў.
Месцамі могуць наносіць урон пладаводству.
Крыніцы
Літаратура
Wikiwand - on
Seamless Wikipedia browsing. On steroids.
Remove ads