Сон Хын Мін

Сон Хын Мін (кар.: 손흥민; нар. 8 ліпеня 1992, Чхунчхон, Рэспубліка Карэя) — паўднёвакарэйскі футбаліст, нападнік англійскага клуба «Тотэнхэм Хотспур» і нацыянальнай зборнай Паўднёвай Карэі.

Сон Хын Мін
Агульная інфармацыя
Нарадзіўся	8 ліпеня 1992(1992-07-08)[1][2][…] (33 гады) Чхунчхон[d], правінцыя Канвандо[d], Паўднёвая Карэя
Грамадзянства	Рэспубліка Карэя
Рост	183 см
Вага	77 кг
Пазіцыя	нападнік
Інфармацыя пра клуб
Клуб	Тотэнхэм Хотспур
Нумар	7[3]
Маладзёжныя клубы
2008 Сеул 2008—2010 Гамбург
Клубная кар’ера[* 1]
2010—2013 Гамбург 73 (20) 2010 →  Гамбург II 6 (1) 2013—2015 Баер 04 62 (21) 2015— Тотэнхэм Хотспур 232 (93)
Нацыянальная зборная[* 2]
2008—2009 Паўднёвая Карэя (да 17) 18 (7) 2016 Паўднёвая Карэя (да 23) 4 (2) 2010— Паўднёвая Карэя 98 (31)
Узнагароды і медалі
Кубкі Азіі Бронза Катар 2011 Срэбра Аўстралія 2015
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 24 мая 2022. Колькасць гульняў і галоў за нацыянальную зборную ў афіцыйных матчах, адкарэктавана станам на 24 мая 2022
Медыяфайлы на Вікісховішчы

Кар’ера

«Гамбург»

У 2008 годзе Сон перайшоў з моладзевай каманды «Гамбурга» ва ўзросце 16 гадоў. У перадсезонны перыяд сезона 2010/2011 ён быў адным з лідараў каманды, забіўшы 9 галоў. У гэтым жа сезоне ён падпісаў першы прафесійны кантракт з «Гамбургам». У жніўні 2010 года атрымаў траўму ступні і выбыў на 2 месяцы. Вярнуўся ў шэрагі каманды 30 кастрычніка 2010 года і забіў свой першы гол у афіцыйных сустрэчах Бундэслігі ў браму каманды «Кёльн». Стаў самым маладым аўтарам гола ў гісторыі «Гамбурга», пераўзыдучы Манфрэда Кальца.

У лістападзе 2010 года Сон падпісаў новы кантракт з «Гамбургам», які быў разлічаны да 2014 года. У Германіі атрымаў мянушку «карэйскі Мюлер» і хвалу Франца Бекенбаўэра, які сказаў што ў Сона ёсць усе якасці, каб стаць другім Чха Бом Гынам.

«Баер»

13 чэрвеня 2013 года Сон перайшоў у «Баер», з якім падпісаў кантракт да 2018 года. Разглядаўся як замена Андрэ Шурле, які перайшоў у «Чэлсі»

9 лістапада 2013 года Сон аформіў хет-трык у браму сваёй былой каманды і аддаў галявую перадачу^[4]. Матч «Баер» — «Гамбург» скончыўся з лікам 5:3. Сон Хын Мін быў прызнаны найлепшым гульцом сустрэчы.

«Тотэнхэм Хотспур»

28 жніўня 2015 года перайшоў у англійскі клуб «Тотэнхэм Хотспур», падпісаўшы кантракт да 2020 года.

Міжнародная кар’ера

Сон Хын Мін згуляў 5 матчаў за зборную Рэспублікі Карэя на Кубку Азіі па футболе ў 2011 годзе і забіў 1 гол у браму зборнай Індыі. У 2014 годзе ўключаны ў склад зборнай Карэі на чэмпіянат свету. Разглядаецца як лідар атак карэйскай каманды, у дэбютнай гульні чэмпіянату свету 2014 са зборнай Расіі прадэманстраваў яскравую і актыўную гульню.

Дасягненні

• Найлепшы футбаліст Карэі 2014 года
• Удзельнік летніх Алімпійскіх гульняў: 2016