Спаса-Праабражэнская царква (Брашэвічы)

Спаса-Праабражэнская царква — праваслаўны храм у аграгарадку Брашэвічы (Драгічынскі раён). Помнік архітэктуры рэтраспектыўна-рускага стылю. Пабудавана ў 1911 г. з цэглы.

Праваслаўны храм
Спаса-Праабражэнская царква
52°12′52″ пн. ш. 25°01′00″ у. д.HGЯO
Краіна	Беларусь
Вёска	Брашэвічы
Канфесія	Беларуская праваслаўная царква
Епархія	Брэсцкая і Кобрынская епархія
Архітэктурны стыль	Рэтраспектыўна-рускі стыль
Дата пабудовы	1911 год
Статус	Гісторыка-культурная каштоўнасць Беларусі, шыфр 113Г000187шыфр 113Г000187
Медыяфайлы на Вікісховішчы

У паняцця ёсць і іншыя значэнні, гл. Спаса-Праабражэнская царква.

Архітэктура

Складаецца з трох аб'ёмаў: прытвора-званіцы, малітоўнай залы і трохграннай апсіды. У прасторавай кампазіцыі дамінуе шацёр званіцы з макаўкай і васьмігранным барабанам з цыбулепадобным купалам над асноўным аб'ёмам.

У дэкоры выкарыстаны элементы старажытнарускага дойлідства: аркатура, закамары, какошнікі, вуглавыя калонкі, нішы-крыжы. Зала асветлена двума ярусамі арачных аконных праёмаў. Іканастас створаны ў 1867 г. паводле праекта інжынера Кадрунцава (перанесены з папярэдняга храма).

Літаратура

• Праваслаўныя храмы Беларусі / А. М. Кулагін, З. Э. Герасімовіч, У. П. Свентахоўскі. — Мн., БелЭн, 2007.

Спасылкі

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 113Г000187

• На Вікісховішчы ёсць медыяфайлы па тэме Спаса-Праабражэнская царква (Брашэвічы)
• Спаса-Праабражэнская царква (Брашэвічы) на сайце Праваслаўная архітэктура Беларусі (бел.)
• Спаса-Праабражэнская царква (Брашэвічы) на сайце Radzima.org
• Спаса-Праабражэнская царква (Брашэвічы) на сайце Глобус Беларусі (руск.)
• Спаса-Праабражэнская царква (Брашэвічы) на сайце «Архіварта»