Спаса-Праабражэнская царква (Любань)

Спаса-Праабражэнская царква — мураваны праваслаўны храм у горадзе Любань Любанскага раёна Мінскай вобласці. Знаходзіцца на вул. Першамайскай, 73а.

Славутасць
Спаса-Праабражэнская царква
52°47′35″ пн. ш. 27°59′06″ у. д.HGЯO
Краіна	Беларусь
Горад	Любань
Канфесія	БПЦ
Будаўніцтва	1992

У паняцця ёсць і іншыя значэнні, гл. Спаса-Праабражэнская царква.

Гісторыя

Пабудаваны ў 1992 годзе^[1].

Архітэктура

Вырашана па канону 4-часткавага «сінадальнага» храма, пашыранага ў 2-й палове 19 ст. Падоўжную аб’ёмна-прасторавую кампазіцыю складаюць 3-ярусная (васьмярык на 2 чацверыках) шатровая званіца, працяглы бабінец, кубападобная малітоўная зала з 8-гранным светлавым барабанам у завяршэнні, 5-гранная апсіда з макаўкай над вальмавым дахам. Тры ўваходы аформлены 2-слуповымі ганкамі-рундукамі. Плоскасныя фасады прарэзаны прамавугольнымі аконнымі праёмамі ў арачных ліштвах. Побач пастаўлена мураваная 8-гранная званіца пад усечаным шатровым дахам, завершаным макаўкай^[2].

Зноскі

1. Спаса-Праабражэнская царква (Любань) Архівавана 23 кастрычніка 2019.
2. Праабражэнская царква Архівавана 3 жніўня 2020.