Спаса-Праабражэнская царква (Насілава)

Спаса-Праабражэнская царква — мураваны праваслаўны храм у вёсцы Насілава Маладзечанскага раёна Мінскай вобласці.

Славутасць
Спаса-Праабражэнская царква
54°18′40″ пн. ш. 26°46′35″ у. д.HGЯO
Краіна	Беларусь
Вёска	Насілава
Канфесія	Беларуская Праваслаўная Царква
Епархія	Маладзечанская
Будаўніцтва	2001—2004 гады
Стан	дзейная
Медыяфайлы на Вікісховішчы

У паняцця ёсць і іншыя значэнні, гл. Спаса-Праабражэнская царква.

Гісторыя

У 2001 годзе было пачата будаўніцтва храма. Месцам былі абраны старыя могілкі на беразе возера. Царква была пабудавана на сродкі жыхаркі г. Маладзечна Шарамет Марыі Андрэеўны і яе сына Ігара Анатольевіча, а таксама на ахвяраванні вернікаў. У 2004 годзе храм быў асвячоны мітрапалітам Мінскім і Слуцкім Філарэтам^[1].

Святары:

• з 2001 г. да 17.10.2001 г. Мікалай Чарняк (памёр 17.10.2001 г.)
• з 4.01.2002 г. да жніўня 2003 г. Уладзімір Курдзевіч (з 2003 г. па 28.08.2004 г. за штатам)
• з 15.09.2003 г. да 22.10.2007 г. Фёдар Жылінгоўскі (пераведзены ў храм Іаана Прадцечы г. Мінск)
• з 24 кастрычніка 2007 г. протаіерэй Генадзь (Жаркоўскі)^[2]

Архітэктура

Вырашана прамавугольным у плане, узнятым на высокі цокаль аб’ёмам з бакавымі прыдзеламі. Сяродкрыжжа 2-схільных дахаў завершана 8-гранным светлавым барабанам, над шатром якога, як і над званіцай, цыбулепадобная галоўка. Фасады прарэзаны арачнымі аконнымі праёмам з глыбокімі перспектыўнымі адхіламі. Уваход вырашаны лоджыяй з высокім лесвічным каскадам.

Зноскі

1. Приход храма Преображения Господня д.Носилово (руск.) // Маладзечанская епархія
2. д. Носилово. Церковь Преображения Господня (руск.) // Маладзечна праваслаўнае