Справа Рычарда Джуэла

«Спра́ва Ры́чарда Джу́эла» (англ.: Richard Jewell) — біяграфічная драма Клінта Іствуда, якая выйшла на экраны ў 2019 годзе^[3].

Справа Рычарда Джуэла
англ.: Richard Jewell[1]
Жанры	трылер[d], біяграфічны фільм[1], крымінальны фільм[d][1] і драматычны фільм[1]
Рэжысёр	Клінт Іствуд[2]
Прадзюсары	Леанарда Дзі Капрыа Jonah Hill[d] Клінт Іствуд
Сцэнарыст	Billy Ray[d][2]
У галоўных ролях	Сэм Рокуэл[2] Paul Walter Hauser[d] Алівія Уайлд[2] Кэці Бэйтс[2] Джон Хэм[2] Dylan Kussman[d] Wayne Duvall[d][2] Nina Arianda[d][2] Niko Nicotera[d][2] Jill-Michele Meleán[d][2] Ian Gomez[d][2] Уільям Джэферсан Клінтан[2] Cassius Clay[2]
Аператар	Yves Bélanger[d]
Кампазітар	Arturo Sandoval[d]
Кінакампаніі	Appian Way Productions[d], Misher Films[d] і Malpaso Productions[d]
Працягласць	129 хв.[1]
Краіна	ЗША
Мова	англійская
Год	13 снежня 2019
IMDb	ID 3513548

Фільм заснаваны на рэальных падзеях, якія адбыліся летам 1996 года падчас Алімпійскіх гульняў у Атланце. Звычайны ахоўнік Рычард Джуэл гераічна ўратаваў сотні жыццяў, калі знайшоў бомбу побач з паркам, дзе праходзіў канцэрт. Аднак праз некалькі дзён Джуэла пачалі цкаваць СМІ і праваахоўчыя органы, якія абвінавацілі яго ў падрыхтоўцы тэракта.

Сусветная прэм’ера фільма адбылася 20 лістапада 2019 года ў межах міжнароднага кінафестывалю AFI Fest^[4]. У амерыканскі пракат стужка выйшла 13 снежня 2019 года^[4], у Беларусі — 9 студзеня 2020 года.

Сюжэт

У адзін з дзён Алімпійскіх гульняў 1996 года, якія праходзяць у Атланце, ахоўнік Рычард Джуэл знаходзіць сумку са ўзрыўчаткай і ў тэрміновым парадку адводзіць людзей з зоны паражэння. Але, нягледзячы на яго дзеянні і працу спецслужбаў, бомба ўсё ж выбухае. Гінуць два чалавекі, сотні атрымліваюць раненні. Тым не менш, дзякуючы ўважлівасці і своечасовым дзеянням Джуэла, выратаваны сотні жыццяў. Джуэл у імгненне становіцца ўсенародным героем. Аднак ужо праз некалькі дзён ФБР робіць яго галоўным падазраваным у тэракце, супраць яго ўзбуджаюць крымінальную справу, а СМІ падхопліваюць гэтую гісторыю і выстаўляюць Джуэла ворагам нумар адзін. На яго абарону ўстае адвакат Уотсан Браянт. Разам ім прыйдзецца супрацьстаяць судовай сістэме, грамадскаму меркаванню, СМІ і ФБР, якія спрабуюць пасадзіць Джуэла за краты.

Акцёрскі склад

• Пол Уолтэр Хаўзер — Рычард Джуэл
• Сэм Рокуэл — Уотсан Браянт, адвакат
• Кэці Бэйтс — Бобі Джуэл, маці Рычарда
• Джон Хэм — Том Шоу, супрацоўнік ФБР
• Алівія Уайлд — Кэці Скрагс, журналістка