Спіс артэфактаў Серадзем’я

Альфірын

Кветка, якая расце на зямлі Лебенін у Гондары.

Аркенстон

Вялікі каштоўны камень, знойдзены ў Эрэборы. Пазней ён стаў называцца «Сэрца гары». Менавіта з-за яго ў канцы «Хобіта» адбылася вялікая спрэчка паміж Більба і Торынам.

Ацэлас

Рэдкая расліна, якая валодае асаблівымі якасцямі хуткага залечвання ранаў. У «Валадары пярсцёнкаў» узгадваецца некалькі разоў. З яго робяць адвар і прамываюць рану.

Белае дрэва

Сімвал каралеўства Гондар. Месца знаходжання — Мінас-Анор (каля цытадэлі на сёмым узроўні).

Гламдрынг

Меч, які спачатку належаў эльфу Тургану, а потым перайшоў да Гандальфа — ён яго знайшоў у пячоры троляў, аб чым апавядаецца ў «Хобіце».

Джала

Меч, які быў выкаваны эльфамі. Яго знайшоў Більба Торбінс у пячоры троляў і даў яму такую назву пасля перамогі над павукамі ў Цемналессі. Пазней ён перадаў яго Фрода. У яго была асаблівасць, як і ў іншых эльфійскіх мячоў, свяціцца сінім святлом пры набліжэнні оркаў.

Лембас

Ляпёшкі, прыгатаваныя эльфамі Лорыена. Галадрыель іх дала Брацтву Пярсцёнка на дарогу. Яны валодаюць асаблівасцю хуткага насычэння.

Мітрыл

Метал, які здабываўся галоўным чынам у падзямеллях Морыі. Вельмі цвёрды, але пры гэтым вельмі лёгкі. З яго гномы рабілі кальчугі. Так, адна дасталася Більба, а пасля перайшла да Фрода.

Нарсіль

Меч, выкаваны гномам Тэльхарам, належаў Элендзілу. Потым ён быў зламаны пад час Аблогі Барад-дура. Пасля яго перакавалі ў Раздоле і далі яму назву Андрыл. Ён перайшоў да Арагорна.

Оркрыст

Меч, які Торын Дубашчыт знайшоў у пячоры троляў, аб чым апавядаецца ў «Хобіце». Апошняя згадка пра меч — смерць Торына пасля Бітвы Пяці Воінстваў.

Паланціры

Сем крышталічных камянёў, праз якія можна бачыць іншыя. З іх дапамогай Саруман падтрымліваў сувязь з Саўранам у час Вайны Пярсцёнка.

Пярсцёнкі Улады

Дваццаць чароўных пярсцёнкаў, дзевятнаццаць з якіх выкавалі эльфы, а адзін таемна выкаваў Саўран. Тры былі аддадзены эльфам, сем — гномам, дзевяць — людзям.

Пярсцёнак Усеўладдзя

Пярсцёнак Улады, выкаваны Саўранам у тайне ад эльфаў, каб захапіць усё Серадзем’е. Менавіта каб знішчыць яго, Фрода Торбінс пайшоў у цёмную краіну Мордар.

Сільмарылы

Тры каштоўныя камяні, створаныя Феанорам. З-за іх адбылася большасць падзей «Сільмарыліяна».

Літаратура

• Лісты: Carpenter, Humphrey, ed. (1981), The Letters of J. R. R. Tolkien, Boston: Houghton Mifflin, ISBN 0-395-31555-7
• Фостар: Foster, Robert (1971), The Complete Guide to Middle-earth, New York: Del Rey, ISBN 0-345-32436-6