Станіслаў Грынкевіч (малодшы)

Станіслаў Грынкевіч (23 лютага 1913^[1] — 18 красавіка 1966, Кліўленд, ЗША) — беларускі грамадскі дзеяч. Пляменнік Францішка і Станіслава (старэйшага) Грынкевічаў^[2].

Станіслаў Грынкевіч
Род дзейнасці	грамадскі дзеяч
Дата нараджэння	23 лютага 1913(1913-02-23)
Дата смерці	18 красавіка 1966(1966-04-18) (53 гады)
Месца смерці	Кліўленд, акруга Каяхога[d], Агая, ЗША
Месца працы	Калоссе (1935) Беларускі камітэт самапомачы Раніца Беларускі работнік (1943)
Альма-матар	Віленскі ўніверсітэт
Партыя	Беларуская незалежніцкая партыя
Член у	Беларускі студэнцкі саюз Рада БНР Беларуска-амерыканскае задзіночанне

У Вікіпедыі ёсць артыкулы пра іншых людзей з імем Грынкевіч.

Не блытаць з Станіслаў Грынкевіч (старэйшы).

Біяграфія

Нарадзіўся 23 лютага 1913 г. У афіцыйных паперах ўпісаная дата нараджэння 3 студзеня 1916 г. і месца наражэння Бераставіца (сёння Гродзенская вобласць).

Вучыўся на медыцынскім факультэце Віленскага ўніверсітэта (скончыць не паспеў). Cябра Беларускага студэнцкага саюза. Сябра рэдкалегіі часопіса «Калоссе».

У 1939 годзе быў мабілізаваны ў Войска Польскае, стаў афіцэрам, трапіў у нямецкі палон. З восені 1941 да восені 1943 года сакратар Беларускага камітэта самапомачы ў Берліне, выкладчык на настаўніцкіх курсах пры камітэце. Адначасова заканчваў медыцынскую асвету ў Берлінскім універсітэце. Пазней рэдактар перыёдыкаў «Раніца» і «Беларускі работнік»^[3]. У 1945 г. быў высланы Усеваладам Родзькам у Швейцарыю з заданнем па лініі Беларускай незалежніцкай партыі^[1].

У 1950 годзе перабраўся ў ЗША. Сябра Рады БНР. Сябра БАЗА, удзельнік кіраўніцтва Кліўлендскага аддзела арганізацыі^[3].

Памёр 18 красавіка 1966 г. у Кліўлендзе, ЗША.

Зноскі

1. Вяртаньне БНП. Асобы і дакумэнты Беларускай Незалежніцкай Партыі
2. Беларуская Беласточчына. Маленькая згадка пра Станіслава Грынкевіча (малодшага)
3. Юрэвіч, Л. Шматгалосы эпісталярыум : гісторыя людзей і ідэй на эміграцыі ў ліставанні / Прадм. і рэд. Н. Гардзіенка. — Мінск: Кнігазбор, 2012. — 660 с. — (Бібліятэка Бацькаўшчыны ; кн. 20). — ISBN 978-985-7007-43-1.