Станіслаў Эдуардавіч Шапечка

Станіслаў Эдуардавіч Шапечка (нар. 24 красавіка 1946) — беларускі лёгкаатлет і трэнер па спартыўнай хадзьбе^[1]. Майстар спорту міжнароднага класа па спартыўнай хадзьбе (1976). Заслужаны трэнер Беларусі (1991)^[2].

Станіслаў Эдуардавіч Шапечка
Род дзейнасці	трэнер, спартсмен
Дата нараджэння	24 красавіка 1946(1946-04-24) (79 гадоў)
Месца нараджэння	Нарач, Нарацкі сельсавет, Мядзельскі раён, Маладзечанская вобласць, Беларуская ССР, СССР
Грамадзянства	СССР  Беларусь
Узнагароды і прэміі	Заслужаны трэнер Рэспублікі Беларусь (1991)

У Вікіпедыі ёсць артыкулы пра іншых людзей з прозвішчам Шапечка.

Спартыўная кар’ера

Упершыню Станіслаў Шапечка стартаваў у чэмпіянаце СССР у 1972 годзе ў Кіеве. На дыстанцыі 20 кіламетраў адразу ж увайшоў у дзясятку наймацнейшых — 9-е месца — і быў уключаны ў зборную Савецкага Саюза. У той час яшчэ выступаў Барыс Антановіч Храловіч  (руск.), які і стаў першым трэнерам Шапечкі^[2].

Трэнерская кар’ера

Сярод выхаванцаў трэнера — пераможца першага розыгрышу Кубка свету, прызёр чэмпіянату свету 1987 і 1993 гадоў у залах Франц Касцюкевіч  (руск.), уладальнік Кубка СССР Валерый Ярэц, віцэ-чэмпіён СССР Артур Шумак, алімпійцы — Віктар Гінько (5-е месца ў Атланце-1996), Артур Меляшкевіч  (руск.), Маргарыта Турава (4-е месца ў Афінах-2004), Іван Троцкі  (руск.), Андрэй Сцепанчук  (руск.), майстар спорту міжнароднага класа Сяргей Абірала, Ірына Тоўсцік, Тамара Сураўцава^[2], неаднаразовы чэмпіён Беларусі Аляксандр Ляховіч, чэмпіён Беларусі Дзмітрый Дзюбін і іншыя.

Зноскі

1. Шапечко Станислав Эдуардович (руск.)
2. С ЮБИЛЕЕМ, СТАНИСЛАВ ЭДУАРДОВИЧ ШАПЕЧКО!(недаступная спасылка) (руск.)